RCL 2020: Muheza United yaichapa Nyamongo FC 1-0

Bao pekee la nyota wa Muheza United Seif Sengao katika dakika za majeruhi limewapa alama tatu muhimu wageni hao kutoka Tanga dhidi ya Nyamongo FC kwenye mchezo wa Kundi B wa Ligi ya Mabingwa Mikoa (RCL) kituo cha Kilimanjaro uliochezwa katika Uwanja wa Ushirika, Moshi.

Dakika 10 za mwisho katika mchezo huo Muheza walianza kuweka shinikizo katika lango la timu ya Nyamongo kutoka Mara kwa kupeleka mashambulizi ambayo hatimaye yalizaa bao hilo katika dakika ya 90+2 ya mchezo huo uliochezwa na mwamuzi kutoka Mtwara Abdulkadir Mvuoni. 

Sengao aliingia akitokea benchi na kuipa timu yake ushindi katika mchezo wa pili wa ligi hiyo. Kwa sasa Muheza wanaongoza kundi hilo baada ya Cable kulazimisha sare ya 1-1 na Huduma FC ya Dar es Salaam. 

Mchezo wa kwanza Muheza waliizabua Mbuyuni Market huku Nyamongo wakiizabua Huduma FC.

Muheza United lineup
Ally Mattaka, Awadhi Thomas, Ibrahimu Salimu, Abduli Mngoya, Adamu Rajabu, Ramadhani Omary, Emmanueli Haule, Kondo Shaibu, Issa Nassoro, Ramadhani Msumi.

Wa Akiba; John Anderson, Shabani James, Thomas Kabassa, Iddi Abdallah, Hussein Ally, Seif Sengao, Chelangwa Sultani.

Nyamongo lineup
Hassan Robert (c), Bernado Mazigo, Elias Yohana, Edson Mturi, Patrick Petro, Fredy Sululu, Pynethal Mguji, Fredy Mwita, Shaban Misabilo, Benard Maranja, Riziki Chaka. 

Wa Akiba; Yassin Ramadhan, Jembe Mkamba, Rajabu Lugembe, Juma Kayanda, Frank Samwel, Yohana Shija.

Coach: John Mhina

Assistant Coach: Mohamed Bismas

STORY & PHOTO BY: Jabir Johnson

EMAIL: jabirjohnson2020@gmail.com

DATE: Machi 17, 2020

Kikosi cha Muheza United ya Tanga

Kikosi cha Nyamongo FC ya Mara