Machi 2, 2019 alifariki dunia msanii wa muziki wa Pop nchini Marekani aliyefahamika kwa jina la Janice Freeman. Mwanadada huyu alifariki dunia akiwa na umri wa miaka 33 huko Pasadena, California.
Alifariki dunia kwa kupatwa na kichomi na damu kuganda hali iliyosababisha damu isifike kwenye moyo. Alifariki dunia muda mfupi baada ya kufikishwa hospitalini.
Hadi anafariki Freeman alikuwa akiendelea na masuala ya sanaa ya muziki ambapo mwaka 2017 aliingia katika mashindano ya Sauti yalikuwa katika msimu wake wa 13 chini ya NBS.
Familia ilithibitisha kutokea kwa kifo cha mwanadada huyo. katika shindano hilo Freeman aliwapagawisha waamuzi Jennifer Hudson na Miley Cyrus kutokana na sauti yake. Mashabiki nao hawakuwa nyuma kumuunga mkono.
Katika shindano hilo alifanikiwa kuingia katika hatua ya 11 bora. Aliwahi kukaririwa akisema katika maisha yake ya uimbaji amekuwa akikabiliana na vikwazo vingi ikiwamo magonjwa lakini bado havikufanikiwa kumzuia kuonyesha kipaji chake.
Freeman alikuwa miongoni mwa wagonjwa waliokuwa na maradhi ya saratani. Kiuhalisi alikuwa akitumia muda wake mwingi kusaidia jamii iliyokuwa na maradhi ya saratani.
Janice Freeman alikuwa na mume wake anayefahamika kwa jina la Dion
Alizaliwa Juni 9, 1985 huko Covina, California nchini Marekani.
0 Comments:
Post a Comment