RCL 2020: Cable SC yaanza kwa ushindi wa mabao 4-0

 Mechi za Ligi ya Mabingwa mikoa (RCL) katika kituo cha Kilimanjaro zimeendelea tena leo katika uwanja wa Ushirika kukishuhudiwa Cable SC ikiibuka na ushindi wa mabao 4-0 dhidi ya Babati Shooting Star.

Mabao ya Cable yalifungwa kupitia kwa nyota wake katika dakika ya 2, 64, 81, 85.

Salim Machaku katika dakika ya pili ya mchezo, Joseph Joseph katika dakika ya 64.

Akitokea benchi Rajabu Ndabita aliifungia Cable katika dakika ya 81 na msumari wa mwisho ulipigiliwa na Hamad Kilume aliyetokea benchi  katika dakika ya 85 ya mchezo huo,

Kocha Rashid Chama amesema ni jambo jema kuanza na ushindi lakini anaamini katika mechi zilizopo atapambana mpaka mwisho kujihakikishia nafasi ya kwenda daraja la pili.

Kwa upande wake Kocha Aloyce Matthew amesema wachezaji wake licha ya kumiliki mpira wameshindwa kutimiza malengo waliyojiwekea katika mchezo huo na kuongeza kwamba katika mechi zilizobaki watajitahidi kurekebisha makosa.