Unaikumbuka siku Familia ya Glazer ilivyochukua umiliki wa Manchetser United?

Machi 12, 2005 mfanyabiashara wa Kimarekani Malcom Glazer alichukua mikoba ya umiliki wa klabu ya Manchester United.

Familia hiyo ya Glazer ilianza kumiliki klabuu hiyo ya ligi kuu nchini England hadi leo. Familia hiyo ndio wamiliki wa klabu nyingine ya American Football ya Tampa Bay Buccaneers.

Glazer walianza kuingia taratibu katika umiliki wa klabu hiyo mnamo Machi 2003 walipochukua hisa ya asilimia 2.9 ambayo kwa wakati huo waliweka kiasi cha pauni milioni tisa.

Taratibu waliendelea kuongeza hisa  ambapo Oktoba 2004 walikuwa wamefikia asilimia 30 ya hisa klabuni hapo ambayo iliwaruhusu kuomba kuwa wamiliki.

Wanahisa wengine wawili JP McManus  na John Magnier walikuwa na asilimia 28.7 walijikuta wakishindwa kuelewana na kocha Sir Alex Ferguson hivyo iliwapa wakati mgumu wa kuungana kuchukua umiliki huo.

Mnamo mwaka 2005 Glazer alifikia makubaliano ya kununua hisa za wawili hao McManus na Magnier ambayo ilimpa asilimia 60 ya umiliki.

Na mwishoni mwa majira ya joto mwaka huo huo Familia ya Glazer ilichukua umiliki kamili wa miamba hiyo ya soka nchini England. Licha ya mafanikio ya uwanjani ya klabu hiyo ya kutwaa mataji matatu ya ligi kuu na moja la ligi ya mabingwa barani Ulaya kati ya mwaka 2007 na 2009 lakini umiliki huo uliwagharimu sana Glazer ambapo kufikia mwaka 2010 deni ilikuwa limefikia pauni milioni 716.5

Ilifikia wakati mashabiki na wapenzi wa Manchester United walianza kwenda kinyume na familia hiyo kwani Manchester United ilikuwa katika hali mbaya ya kiuchumi.

Mashabiki hao walitaka aletwe mmiliki mwingine na pia walidai klabu ilirudi katika rangi zake za asili za kijana na dhahabu.

Walienda mbali zaidi wakitaka hata jina lilirudi la zamani la FC United of Manchester. Hata hivyo kufikia mwaka 2016 deni hilo lilipungua hadi kufikia pauni milioni 322.1 huku mapata yakifikia pauni milioni 133.8