Liverpool yatolewa Ligi ya Mabingwa

Mabingwa watetezi wa Ligi ya Mabingwa barani Ulaya Liverpool wameondolewa katika kinyang’anyiro hicho baada ya kukubali kichapo cha mabao 3-2 kutoka kwa Atletico Madrid kwenye mchezo uliochezwa Anfield.

Katika mzunguko wa kwanza wa hatua ya 16 jijini Madrid Liverpool ilizabuliwa kwa bao moja hivyo miamba hiyo imetolewa kwa uwiano wa mabao 4-2.

Katika mchezo huo mabao ya Marcos Llorente (97’, 105’) na Alvaro Morata (120’) yalitosha kuwaondoa mabingwa hao mara saba wa taji hilo.

Bao la dakika ya 43 la Georgio Wijnaldum halikutosha kumwokoa Jurgen Klopp na kichapo hicho.

Rojiblancos wanakuwa timu ya kwanza kuvunja rekodi iliyokaa miaka mingi ya Liverpool kutandikwa nyumbani. Mara ya mwisho kuzabuliwa katika dimba hilo ilikuwa Oktoba 2014 ambapo miamba ya Hispania Real Madrid iliweka rekodi hiyo.

Rekodi ya Liverpool katika dimba hilo ni kwamba katika mechi 25 za barani Ulaya imeshinda mara 18 na kutoa sare 7.