Shilingi milioni 500 kujenga mradi wa Maji wa Ziwa Chala, Rombo

Serikali imetenga kiasi cha shilingi milioni 500 kwa ajili ya kujenga mradi mkubwa wa maji kutoka Ziwa Chala ili kutatua changamoto ya majisafi na salama inayowakumba wakazi wa vijijini katika wilaya ya Rombo mkoani Kilimanjaro.

Akiwa mjini Moshi katika ziara yake ya kikazi ya kukagua ujenzi wa upanuzi wa mtandao wa maji safi wenye jumla ya urefu wa mita 2,724, unaotekelezwa na Mamlaka ya majisafi na Usafi wa Mazingira mjini Moshi (MUWSA) Waziri wa Maji, Profesa Makame Mbarawa alisema Serikali imeanza utekelezaji wa mradi huo ambapo tayari imeshakamilisha  utafiti wa awali na kuainisha maeneo yanayofaa kwa ujenzi huo ili wananchi wa wilaya ya Rombo waweze kupata huduma hiyo ya maji.

Alisema huo utaenda kwa awamu  tofauti totafuti,  ambapo Wataalamu wa MUWSA kwa kushirikiana na Wataalamu wa Malamlaka ya Maji Vijijini na Mjini  (RUWSA).

“Naipongeza Mamlaka ya Maji Usafi na Usafio wa Mazingira mjini Moshi (MUWSA), kwa kazi nzuri inayoifanya ya kuhakikisha wananchi wanapata majisafi na salama, napenda kusema kwenye maeneo ya mjini upatikanaji wa maji safi na salama uko vizuri, changamoto iliyopo ni kwenye maeneo ya vijijini,”alisema.

Awali akitoa taarifa yake kwa Waziri, Kaimu mkurugenzi wa Mamlaka ya Majisafi na Usafi wa Mazingira (MUWSA) Mhandisi Aron Joseph, alisema Mamlaka inatekeleza ujenzi wa upanuzi wa mtandao wa Maji Safi  wenye jumla ya urefu wa mita 2,724.

“Mradi  huu umelenga kuondoa changamoto ya upatikanaji wa huduma ya majisafi na salama lililokuwepo kwa muda refu katika kata ya Kimochi kwenye eneo la Kiraracha, Kitonyi na eneo la Kitonyi hadi Sango,”alisema mhandisi Joseph.

Alisema kukamilika kwa mradi huo utagharimu kiashi cha takriban  ya Sh milioni  101,172,100  ambapo jumla ya kaya 3,307 zitanufaika na mradi huo.

“Mradi unatekelezwa kwa awamu mbili , eneo la Kiraracha  hadi Kitonyi na eneo la Kitonyi hadi Sango, ambapo hatua za utekelezaji wa mradi huo umekamilika kwa asilimia 100, huku eneo la Kitonyi hadi Sango hatua za utekelezaji wa mradi huo umefikia asilimia 95,”alisema.

Nae Kaimu meneja Ufundi Mamlaka ya Maji safi na Usafi wa Mazingira (MUWSA) Mhandisi Kija Limbe, alisema kuwa mamlaka hiyo inatoa huduma ya majitaka kwa asilimia 31 ya wakazi wote wa Manispaa ya Moshi,  yenye wakazi wapatao 205,113.

Alisema mabwawa ya majitaka yamesanifiwa kupokea mita za ujazo 4,500 kwa siku  ambapo hali ya mabwawa hayo kwa sasa  yanapokea kiasi cha mita za ujazo 4,300 kwa siku kutoka kwenye mtandao wa majitaka uliopo.

“Jumla ya mita za ujazo 16,170 kwa siku za majitaka zinakadiriwa kuzalishwa ndani ya mji wa Moshi,”alisema.

Aidhi alisema changamoto iliyopo kwa sasa ni mabwawa ya majitaka kukaribia kufikia uwezo wake wa mwisho wa kupokea majitaka ambao ni mita za ujazo 4,500,”alisema Mhandisi Limbe.

Jabir Johnson akiripoti kutoka Ziwa Chala, Rombo mkoani Kilimanjaro

Ziwa Chala linavyoonekana kwa karibu 

STORY & PHOTO BY: Kija Elias, Jabir Johnson

EMAIL: eliaskisena@gmail.com

DATE: Machi 4, 2020