Bonite Bottlers yachukua tahadhari Covid-19

Tahadhari imeendelea kuchukuliwa katika makampuni mbalimbali kuhusu kusambaa kwa virusi vya Covid-19 ambapo Kampuni ya Vinywaji Baridi ya Bonite Bottlers mjini Moshi, Kilimanjaro imekuwa miongoni mwa washiriki wa mwanzo kuchukua tahadhari hiyo katika eneo la kiwanda hicho kwa kuweka vifaa mbalimbali vikiwamo dawa za kunawia mikono kwa ajili ya wafanyakazi wake na kile anayeingia humo.

Haya yanajiri ikiwa ni siku baada ya mgonjwa wa Covid-19 kubainika jijini Arusha na kuletwa katika Hospitali ya Rufaa ya Mawenzi mjini Moshi.

Akizungumza katika hafla ya kukabidhi zawadi za washindi wa Shindano la V.I.P Club 2019 iliyofanyika kiwandani hapo Meneja Mauzo wa Bonite Bottlers Arusha Boniface Mwassi alisema kutokana na tukio lililotokea jijini Arusha hawana budi kuchukua tahadhari zote kwa ajili ya usalama wa wafanyakazi na wateja.

Wateja 25 waliojishindia pikipiki kutoka Manyara, Karatu, Singida, Arusha na Kilimanjaro wamekabidhiwa zawadi zao na kuondoka nazo.

Wateja wengine 18 waliojishindia kreti 50 na 100 za soda walikuwa miongoni mwa waliokabidhiwa zawadi zao katika hfala hiyo.