Polisi Tanzania walia 'Viporo vya Asubuhi' VPL

Hekaheka katika lango la Mtibwa Sugar katika mchezo wa Ligi Kuu Tanzania Bara Machi 11, 2020 uliochezwa katika Uwanja wa Ushirika Mjini Moshi, Kilimanjaro. Polisi Tanzania 0-0 Mtibwa Sugar. (Picha zote Na. Jabir Johnson)

Timu ya Polisi Tanzania imeweka bayana kuwa viporo vya mechi zake katika Ligi Kuu Tanzania (VPL) hususani wanavyopangiwa kucheza asubuhi vimekuwa kikwazo kikubwa kufikia malengo waliyojiwekea msimu huu.

Hayo yalijiri baada ya mchezo wa Jumatano asubuhi Machi 11 mwaka huu dhidi ya Mtibwa Sugar kumalizika kwa sare tasa, ikiwa ni siku moja baada ya kuahirishwa kwa mchezo huo uliochezwa katika Uwanja wa Ushirika mjini Moshi.

Akizungumza kocha Malale Hamsini wa Polisi Tanzania alisema sare dhidi ya Mtibwa imemuuma sana licha ya kwamba hana budi kuwapongeza wachezaji wake hususani washambuliaji kwa kujitahidi kufanya wanaloweza bila mafanikio.

Hata hivyo Malale amelalamikia mechi za asubuhi kuwa ni kikwazo kikubwa kufikia malengo msimu huu waliyojiwekea hasa ikizingatiwa wamepatia kusalia katika 10 bora katika msimamo wa ligi kuu.

"Mechi za asubuhi zimekuwa mwiba kwetu hazitupi matokeo mazuri, zinapoteza sana mwelekeo wetu wa kujiimarisha kwenye Top 10  ya msimamo wa Ligi Kuu," alisema Malale.

Polisi Tanzania ilipoteza dhidi ya Ruvu Shooting kwa bao 1-0 huko Mabatini mechi ambayo ilichezwa asubuhi katika mzunguko wa kwanza.

Katika mzunguko wa pili wa ligi kuu msimu huu ilipoteza dhidi ya Mwadui FC katika uwanja wa Kambarage, Shinyanga kwa kichapo cha mabao 2-1.

Pia sare tasa dhidi ya Mtibwa iliyochezwa asubuhi ni miongoni mwa viporo ambavyo ni mwiba mkali kwa Malale.

STORY & PHOTO BY: Jabir Johnson

EMAIL: jabirjohnson2020@gmail.com

DATE: Machi 11, 2020.

Kocha wa Polisi Tanzania Malale Hamsini

Kocha Zuberi Katwila wa Mtibwa Sugar

Kiungo mshambuliaji wa Polisi Tanzania Marcel Kaheza akikokota mpira mbele ya wachezaji wa Mtibwa Sugar.

Mlinda mlango wa Mtibwa Sugar Nduda katika mchezo dhidi ya Polisi Tanzania.

Mlinda mlango wa Mtibwa Sugar akidaka mpira katika mojawapo ya hatari langoni mwake dhidi ya Polisi Tanzania.

Machezo akikokota mpira katika mchezo dhidi ya Mtibwa Sugar.

Waamuzi wa mchezo Polisi Tanzania dhidi ya Mtibwa Sugar.

Machezo wa Polisi Tanzania akizungumza na mlinda mlango wa Mtibwa Sugar Nduda baada ya mchezo kumalizika

Kiungo Mkabaji wa Polisi Tanzania Pato Ngonyani akijadili jambo na kocha Malale Hamsini baada ya mchezo kumalizika dhidi ya Mtibwa Mchi 11, 2020.