RCL 2020: Huduma FC yalazimishwa sare 1-1 na Cable SC

Huduma FC ya Dar es Salaam imelazimishwa sare ya 1-1 na Cable SC ya Arusha katika mchezo wa Ligi ya Mabingwa Mikoa (RCL) kituo cha Kilimanjaro katika mchezo uliochezwa kwenye Uwanja wa Ushirika, Moshi.

Bao la kuongoza lilifungwa katika dakika ya 32 ya mchezo kupitia nyota wake Isack Komba na Cable SC walisawazisha katika dakika ya 64 na Joseph Leo akimalizia mpira ulimiminwa kutoka wingi ya kushoto baada ya kufanya mashambulizi kadhaa katika lango la Huduma.

Hata hivyo katika mchezo huo kulishuhudiwa kadi nyekundu mbili zikitolewa katika dakika 89 ya mchezo kutokana na makosa waliyofanya wachezaji wawili wa timu hizo.

STORY & PHOTO BY: Jabir Johnson

EMAIL: jabirjohnson2020@gmail.com

DATE: Machi 17, 2020