MAKTABA YA JAIZMELA: Keith Flint ni nani?

Machi 4, 2019 alifariki dunia msanii wa muziki, mwimbaji na dansa mahiri wa nchini Uingereza Keith Flint. 

Mara ya mwisho kuonekana katika hadhira ilikuwa Februari 5, 2019 wakati wa tamasha la Prodigy katika viunga vya Trusts Arena mjini Auckland huko New Zealand. 

Jumamosi ya Machi 2, 2019, Flint alitua katika kiunga cha Chelmsford Parkrun ikiwa ni juma la tatu mfululizo ambalo alipata mafanikio makubwa katika medani hiyo. 

Machi 4, 2019 majira ya saa 2:10 asubuhi Polisi ya Essex iliitwa nyumbani kwa Flint maeneo ya North End karibu ma Great Dunmow ili kushughulikia tukio hilo.

Flint alikutwa amejinyonga, siku moja baadaye msanii mwenzake Liam Howlett alitupia post katika Instagram kuwa "Flint had taken hiw own life."

Wavuti rasmi ya bendi yake iliandika kuhusu kifo cha Flint na matamasha ya Prodgy yaliyokuwapo mbeleni yaliahirishwa kutokana na kifo hicho.

Baadaye ilikuja kuwekwa bayana na Emily Eavis kuwa Flint alikuwa amepata matamasha ikiwapo  lile la Glastonbury Festival 2019, Estereo Picnic Festival lililokuwa lifanyika Aprili 6, 2019 jijini Bogota nchini Colombia.

Kutokana na kifo hicho wanamuziki na wasanii mbalimbali duniani kote walitoa salamu zao za rambirambi. Wengi walimweleza kuwa Flint alikuwa mpole, heshima na ukarimu.

Mazishi ya Flint yalifanyika Machi 29, 2019; hadhira ya watu, wapenzi na mashabiki wake walijipanga barabarani umbali wa kilometa 2.5 katika tukio hilo katika vuinga vya St. Mary's Church Bocking  huko Essex ambalo lilihudhuriwa na familia na marafiki akiwamo mkewe Mayumi Kai na wasanii wenzake Liam Howlett, Maxim na Leeroy Thornhill.

Hadi sasa hakuna uthibitisho kama mkewe Mayumi Kayi kuhusika na mauaji ya Keith Flint.

Nyota huyo mbali ya kuwa alikuwa msanii wa muziki lakini alikuwa mkali pia kwenye mashindano ya pikipiki. Flint alikuwa miongoni mwa waanzilishi wa kundi la dansi la Prodigy.  

Licha ya kuanzia kama dansa lakini aliibukia katika singo 'Firestarter' na 'Breathe' ambazo zote ziliachiwa hewani mnamo mwaka 1996. Pia alikuwa mwongozaji katika bendi yake ya Flint. 

Flint alikuwa mmiliki wa timu ya waendeshaji wa pikipiki za mashindano Team Traction Control ambayo walishinda mara nne katika mbio zile za Isle of Man TT kati ya mwaka 2015 na 2016. 

Pia akiwa timu hiyo walishiriki mashindano ya British Supersport. 

Rekodi yake binafsi katika mbio za pikipiki Flint aliwa kuendesha pikipiki kilometa 2, 400 kutoka England jadi Kusini mwa Hispania ambako alikwenda kushiriki mbio za Pikipiki za Hispania mnamo mwaka 2007 maarufu kwa jina la Spanish Motorcycle Grand Prix. 

Katika mbio hizo pia aliendesha na mwimbaji mwingine wa bendi ya Madness aliyefahamika kwa jina la Lee Thompson. 

Mnamo mwaka 2016 alipata ushindi tena akiwa na timu yake na ile ya Ian Hutchinson katika mbio za Isle of Man TT.

Flint alikuwa na mahusiano ya kimapenzi na mtangazaji wa runinga Gail Porter ambapo wawili hao waliachana mnamo mwaka 2001. 

Mnamo mwaka 2006 Flint alimwoa DJ wa Kijapan Mayumi Kai ambaye alikuwa akitumia DJ Gedo Super Mega Bitch. Wawili hao iliripotiwa kuwa waliachana wakati wa kifo chake.