Wito watolewa haki za wanawake wa Kisaudi-Dakar Rally 2020

Wakati ambapo mbio ngumu za magari za Dakar Rally zikitarajiwa kuanza kutimua vumbi Januari 5 mwaka huu Waandaji wa Matukio ya Michezo nchini Ufaransa (Amaury Sport) wamesema mbio za mwaka huu zitumike kuhamasisha ukombozi wa mwanamke wa Kisaudi.

Waandaji hao wamesisitiza kuwa madereva wa Dakar Rally wanapaswa kuzungumza na serikali ya Saudia Arabia kuhusu uonevu anaofanyiwa mwanamke wa taifa hilo hususani katika haki ya kuendesha magari. 

Mkurugenzi wa Kitengo cha Mipango katika Shirika la Human Rights Watch, Minky Worden amesema mashabiki, vyombo vya habari na timu za madereva wa mbio hizo hawatakiwa kufumba macho yao kuhusu uminywaji wa haki kwa wanawake wa Saudi Arabia.

Mbio hizo zinatarajiwa kuanza kutimua vumbi mjini Jeddah na kumalizika Januari 17 mwaka huuu huko Al Qiddiya ikiwa ni zaidi ya kilometa 7,000.