MAKTABA YA JAIZMELA: Patti Page ni nani?

Januari 1, 2013 alifariki dunia mwanamuziki wa pop na country wa nchini Marekani. 

Jina lake halisi ni Clara Ann Flower. Alifariki dunia akiwa na umri wa miaka 85 kutokana na maradhi ya moyo na mapafu. Alizikwa katika makaburi ya El Camino Memorial Park huko San Diego. 

Enzi za uhai wake  Patti Page alikuwa mahiri katika muziki wa pop na country na mara chache alijihusisha na uigizaji. Alikaa katika orodha ya juu katika chats nchini Marekani kwa mwanamuziki mwanamke na pia alifanya vizuri sokoni miaka ile ya 1950. 

Aliuza kazi zake ulimwenguni zaidi ya milioni 100 katika kipindi chote cha miongo sita ya uimbaji wake. Alianza kwa wimbo wa The Singin’ Rage, baadaye akatoa Miss Patti Page. 

Pia inaelezwa kuwa jijini New York kuna DJ mmoja maarufu wakati huo aliyefahamika kwa jina la Williams B. Williams ndiye alimtambulisha kama ‘A Page in my life called Patti.’ 

Patti Page alisaini mkataba wake na Mercury Records mnamo mwaka 1947 na kuwa mwanamuziki wa kwanza mwanamke kuwa na mafanikio kwa Mercury Records ambapo mwaka 1948 walitoa albamu ya Confess. Mnamo mwaka 1950 alitoa singo "With My Eyes Wide Open, I'm Dreaming” ambayo ilimuweka sokoni kwa kuuza kazi hiyo kwa zaidi ya milioni moja. 

Wimbo wake wa Tennesse Waltz pia ni miongoni mwa nyimbo zilizompa umaarufu mkubwa. Baadaye wimbo huo jimbo la Tennessee liliufanya kuwa wimbo rasmi wa jimbo hilo. Tofauti na wanamuziki wengine wa pop, Patti Page aliunganisha na vionjo vya country katika muziki wake. 

Mnamo mwaka 1997 Patti Page aliingizwa katika Jumba la Wakongwe wa Muziki la Oklahoma maarufu Oklahoma Music Hall of Fame na mwaka 2013 alitunukiwa tuzo ya heshima ya Grammy kwa mchango wake katika muziki enzi za uhai wake.

Alizaliwa Novemba 8, 1927 Claremore katika jimbo la Oklahoma nchini Marekani.