Polisi Tanzania yaizabua Kagera Sugar VPL

Polisi Tanzania imeibuka na ushindi wa mabao 2-1 dhidi ya Kagera Sugar katika mchezo wa Ligi Kuu Tanzania Bara uliochezwa katika dimba la Ushirika mjini Moshi.

Mabao ya Polisi Tanzania yalifungwa na Sixtus Sabilo kwa mkwaju wa penati na jingine akimalizia mpira uliotemwa na Benedict Tinoco baada ya mkwaju wa nguvu ulifumuliwa na Jimmy Mwaisondola.

Bao pekee la Kagera Sugar lilisawazisha na Kelvin Sabato kwa mkwaju uliokufa nje kidogo ya eneo la hatari takribani mita 20 kutoka katika lango la kaskazini ambao ulimshinda mlinda mlango Mohamed Yusuf.

Kwa matokeo hayo Polisi Tanzania imefikisha pointi 24 ikiwa imecheza 16 huku ikiendelea kusalia katika 10 bora za msimamo wa Ligi Kuu Tanzania Bara msimu 2019/2020.

Kikosi cha Polisi Tanzania

Mohamed Yusuf, Elias Lucian, Juma Ramadhani, Mohammed Mmanga, Mohamed Kassim, Pato Ngonyani, Sixtus Sabilu, Jimmy Shoji Mwaisondola, Mohamed Mkopi, Hassan Maulid Mateo Anthony.

Wa Akiba: Kulwa Manzi, Shaban Stambuli, Iddy Mobby, Andrew Chamungu, Pius Buswita, Erick Msagati, Athanas Mdimu.  

Kocha: Malale Hamsini

Kikosi cha Kagera Sugar

Benedict Tinoco, Mwaita Gerera, David Luhende, Juma Shemvuni, Hassan Isihaka, Peter Mwalyanzi, Yusuph Mhilu, Ally Ramadhani, Abdallah Sesseme, Awesy Awesu

Wa Akiba: Ramadhani Chalamanda, Juma Nyosso, Abdulswamad Kassim, Jackson Kibirige, Nassoro Kapama, Jofrey Mwashiuya, Erick Msagati.

Kocha: Mecky Mexime