MAKTABA YA JAIZMELA: Papa Benedict wa XV ni nani?

Januari 22, 1922 alifariki dunia Papa Benedict wa XV wa Kanisa Katoliki dunia. Kiongozi huyo wa juu wa kiroho katika kanisa hilo alifariki dunia kwa ugonjwa wa kichomi. 

Alishika nafasi ya Upapa wa kanisa hilo kuanzia Septemba 3, 1914 hadi mauti yalipomkuta. Jina lake halisi ni Giacomo Paolo Giovanni Battista della Chiesa mzaliwa wa kitongoji cha Pegli mjini Genoa katika nchi ya Italia. 

Inaelezwa mapema Januari ya mwaka 1922 Papa Benedict XV alikuwa akisheherekea sikukuu na wanawake maskini wa kanisa hilo katika jengo la Domus Sanctae Marthae lililopo katika Kanisa la Mtakatifu Petro wa Basillica jijini Vatican. 

Wakati akisubiri dereva wake ambapo siku hiyo kulikuwa na mvua alianza kuugua mafua ghafla ambayo baadaye kichomi kilianza kumtesa. Januari 5, 1922 taarifa ziliztolewa kuwa Papa Benedict XV anaumwa mafua yalitokana na baridi. 

Januari 12, 1922 ilitolewa taarifa kuwa Papa ana kikohozi kikali. Januari 18, 1922 ilitolewa taarifa kwamba Papa hawezi hata kuinuka kitanda  na kuanzia Januari 19, 1922 hali yake ilizidi kuwa mbaya  huku mapigo yake ya moyo yakionekana kuwa hafifu kutokana na kusambaa kwa kichomi. 

Hewa ya Oksijeni iliongezwa baada ya kushuhudiwa kuwa hali yake inazidi kuwa mbaya. 

Kardinali Oreste Giorgi alikwenda kumsalimu Papa katika chumba chake  na kumfanyia maombi. Januari 20, 1922 ilionekana hali yake inaanza kurudi  hivyo Papa Benendict aliwataka wahudumu wa kitabibu kuondoka kwani hali yake ilikuwa sio mbaya. 

Hata hivyo inaelezwa kuwa wakati akiwa hapo alipakwa mafuta ambayo hupakwa wagonjwa na kwamba Papa Benedict XV alijua kwamba siku zake za kuishi zilikuwa ukingoni hivyo alizungumza maneo yake ya mwisho na Kardinali  Gasparri. 

Kulikuwa na taarifa tofauti za muda aliofariki hali ilizua tafrani ambapo magazeti ya Uingereza na Ufaransa yalisema Papa Benedict XV alifariki Januari 21 saa 11:00 alfajiri hata hivyo Daktari wa Makerubi alitangaza rasmi kuwa Papa alifariki dunia saa 12:00 asubuhi ya Januari 22, 1922. 

Bendera zilipepea nusu milingoti kuashiria heshima na kukumbuka kwake na ibada ya mazishi ilifanyika kwa kufuata taratibu zote za kanisa hilo. Miongoni mwa mambo anayokumbukwa Papa Benedict XV ni mchango wake katika kumaliza vita vya kwanza vya dunia mnamo mwaka 1918. 

Moyo aliokuwa nao Papa Benedict XV ilipofika mwaka 2005 ulimshawishi Joseph Aloisius Ratzinger kuchagua kufuata nyayo za mtangulizi wake wakati akitawazwa kuwa Papa wa kanisa hilo Papa Benedict wa XVI kutokana na kuwa mfano katika masuala ya kiutu na kidiplomasia. 

Papa Benedict wa XVI alisisitiza kuwa amechagua jina la Benedict kutokana na mtangulizi wake kuwa mfano katika kutunza amani. 

Papa Benedict wa XV alichaguliwa kuwa kiongozi wa juu wa kanisa hilo akiwa na umri wa miaka 59 kipindi ambacho dunia ilikuwa katika mwanzo wa vita vya kwanza vya dunia. 

Della Chiesa alizaliwa Novemba 21, 1854.