PREVIEW: Manchester Derby katika nusu fainali Carabao Cup

Manchester United itaendelea kusalia kama Mashetani Wekundu au upande wa pili wa Bluu wataweza kuiba haki hiyo?

Sasa leo (7.1.2020) katika nusu fainali ya kwanza kutashuhudiwa miamba kutoka jiji la Manchester United ikipepeta tena katika Kombe la Carabao.

Kikosi cha Ole Gunnar Solskjaer kilipeleka majonzi katika mchezo uliopita wa Ligi Kuu katika dimba la Ettihad kwa kuibuka na ushindi wa mabao 2-1; Marcus Rashford na Anthony Martial wakifanya kazi nzuri.

Manchester United imefika hapo baada ya kuizabua Rochdale katika mzunguko wa tatu pia kupata ushindi dhidi Chelsea na Colchester United na kutinga hatua hiyo ni mafanikio makubwa ikiwa ni mara ya kwanza baada ya kufanya hivyo mwaka 2017 dhidi ya Southampton.

Man City wakiwa mikononi mwa Pep Guardiola walifika hapo baada ya kuzibamiza Preston North End, Southampton na Oxford United.

Aidha The Citizens ni mabingwa watetezi endapo watafanikiwa kutwaa taji hilo tena watakuwa ni timu ya pili baada ya Liverpool kushinda mataji matatu ya Ligi.

Katika mchezo wa leo Guardiola atakuwa na mlinzi wake Aymeric Laporte na winga Leroy Sane baada ya kuwa nje kwa majeruhi licha ya kwamba inaweza ikawa ngumu kuwachezesha wote wawili katika mzunguko wa kwanza wa nusu fainali hii.