MAKTABA YA JAIZMELA: Choi Yo-Sam ni nani?

Januari 3, 2008 alifariki dunia mwanamasumbwi wa Korea Kusini Choi Yo Sam. 

Bondia huyo katika sikukuu ya Christmas ya mwaka 2007 alifanikiwa kuutetea mkanda wa WBO Intercontinental katika uzito wa FLY kwa pointi (UD baada ya kumzabua Heri Amol wa Indonesia. 

Katika raundi ya 12 Choi aliangushwa zikiwa zimesalia sekunde tano licha ya kuangushwa hatimaye alifanikiwa kushinda pambano hilo. Choi Yo-Sam alizimia wakati akiwa katika ulingo siku hiyo hivyo alichukuliwa na kukimbizwa katika hospitali ya Chuo Kikuu cha Soonchunhyang ili aweze kufanyiwa upasuaji wa ubongo. 

Januari 2, 2008 ilitangazwa kwamba ubongo wa bondia Choi Yo-Sam ulikuwa umeshashindwa kuendelea kufanya kazi licha kwamba alikuwa anathema hatimaye Januari 3, 2008 akafariki dunia wakati ambapo aliondolewa vifaa vya oksijeni alivyokuwa akivitumia. 

Baada ya kifo hicho Wasanii wawili waliokuwa wakiunda kundi la LeesSang wa Korea Kusini Kang Hee-gun na Gil Seong-joon waliipa albamu yao ya tano jina la CHAMPION na kuidedicate kwa bondia huyo kutokana na kifo hicho. Hata hivyo familia ya Choi ilitoa viungo vya bondia huyo kwa wagonjwa sita waliokuwa na uhitaji. Kwa kitendo hicho serikali ya Korea Kusini ilimpa medali Choi Yo-Sam. 

Kifo cha mwanamasumbwi huyo kinafanana na kile cha mwaka 1982 kwenye pambano baina ya bingwa wa uzito mwepesi Ray ‘Boom Boom’ Mancini wa Marekani na Kim Duk-koo wa Korea Kusini ambaye alifariki dunia kutokana na majeraha katika kichwa.

Choi aliingia katika ndondi za kimataifa mnamo mwaka 1993 na kushinda mikanda miwili ya Lineal na WBC katika uzito mwepesi wa FLY mnamo mwaka 1999 dhidi ya Saman Sorjaturong. 

Pia alifanikiwa kutetea mikanda yake mara tatu kabla ya kupoteza kwa Jorge Arce wa Mexico katika raundi ya sita kwa KO mnamo mwaka 2002. 

Mnamo mwaka 2003 alipoteza dhidi ya Beibis Mendoza katika Interim WBA. Mwaka 2004 alipata katika uzito akipambana na Lorenzo Parra kuwania WBA uzito wa FLY. 

Choi alizaliwa Machi 1, 1972  huko Jeongeup, Jeollabukdo Korea Kusini.