Mbrazil Marta na rekodi bora ya FIFA

Januari 10, 2010 mwanadada mchezaji wa kandanda kutoka nchini Brazil Marta Vieira da Silva, alitwaa tuzo ya tano  ya mchezaji bora wa mwaka wa Shirikisho la Soka la Kimataifa (FIFA). 

Baada ya kumaliza nafasi ya tatu mnamo mwaka 2004 katika upigaji wa kura na kushika nafasi ya pili mnamo mwaka 2005 Marta alishinda tuzo yake ya kwanza ya FIFA mnamo mwaka 2006. 

Alishinda tuzo hiyo wakati huo akihudumu na klabu ya Umea iliyopo nchini Sweden. Pia alichukua tuzo hiyo mnamo mwaka 2007  na mara ya tatu alifanikiwa kuchukua tuzo hiyo mwaka 2008.

Mnamo mwaka 2009 aliondoka nchini Sweden na kwenda zake nchini Marekani katika klabu ya Alos Angeles Sol ambako alimaliza msimu huo akiwa mfungaji bora wa Ligi Kuu ya soka ya wanawake. 

Msimu huo huo alichukua tuzo ya FIFA rekodi ambayo Lionel Messi wa Argentina na klabu ya Barcelona aliifikia mnamo mwaka 2012. 

Akiwa na Los Angeles Januari ya 2010 alipata dili jingine la kujiunga na FC Gold Pride ambako aliibuka tena kidedea kwa kufumania nyavu na kuisadia kutwaa taji la msimu huo la WPS katika ushindi wa mabao 4-0  dhidi ya Philadelphia Septemba 26. 

Miezi miwili baadaye alitajwa kuwa mchezaji bora wa mwaka kwa mara ya tano akiweka rekodi hiyo mpya. Mnamo mwaka 2011 na 2012 alimaliza katika nafasi ya pili katika upigaji wa kura akizidiwa na raia wa Japan Homare Sawa na Mmarekani Abby Wambach. 

Alizaliwa Februari 19, 1986 Dois Riachos, State of Alagoas, Brazil.