Wanahistoria ni watu wa namna gani?

Wanahistoria ni watu ambao wamejikita katika kujifunza mambo ya kale au mambo yaliyopita. Baadhi yao ni wataalamu ambao wanaishi kwa kujifunza mambo ya kale.

Wengine ni wanahistoria ambao wanajifunza mambo hayo kwa ajili ya furaha zao tu. Na wapo wengine ambao ni wanahistoria kama wewe ambao ni wanafunzi wanaojifunza kozi ya Historia. Wanahistoria ambao ni wataalamu hujumuisha watu wanaofundisha na kuandika masuala mbalimbali ya kihistoria.

Wataalamu wengi wa historia wamekuwa na mchango mkubwa katika uandishi wa vitabu mbalimbali. Katika hilo wamekuwa na kazi ya kuchagua taarifa za matukio muhimu ambayo kwa kiasi kikubwa yametoa mchango mkubwa wa kuielewa historia kwa undani.

Pia wataalamu hao wametoa mchango wao katika kuyatafsiri kutoka katika lugha ya asili ya matukio yenyewe na kuyaweka katika mwonekano wa sasa.

Historia ina upana wake ikijumuisha uzoefu wa binadamu mwenyewe katika maisha yake. Wanahistoria walio wengi wanaendelea kujikita katika eneo moja la historia ili kulichimba kwa kina na kuleta maana iliyokusudiwa. Kwa mfano;

Historia ya Masuala ya Siasa,

Hii imejikita katika historia za serikali mbalimbali, sheria na viongozi wa kisiasa. Kwa mfano utawala wa Farao wa Misri na namna alivyotawala taifa hilo ni miongoni mwa historia ya masuala ya siasa.

Historia ya Masuala ya Kijeshi,

Imejikita katika kujifunza migogoro, vita, silaha, sufundi na mbinu za kivita. Pia imejikita ni kwa namna gani watu walisuluhisha migogoro katika jamii zao.

Historia ya Masuala ya Jamii,

Imejikita katika kuelezea kila hatua ya maisha ya watu, zana walizokuwa wakitumia, sanaa waliyokuwa nayo, chakula walichokuwa wakila, na wakati mwingine imejikita kwa namna ambavyo watu walikuwa wakiitazama dunia na maadili yao kwa ujumla na namna walivyokuwa wakiwafundisha watoto wao. Wakati ambapo tunatazama mchango wao katika sanaa, fasihi, sayansi hiyo ni Historia ya Masuala ya Jamii.

Historia ya Masuala ya Kitaaluma,

Imejikita katika mawazo ambayo yanahamasisha na kuiongoza jamii. Baadhi ya mawazo hayo ndio yalikuwa chanzo cha wanafikara wa enzi hizo. Hapa ndipo mawazo ya kiteolojia na kifalsafa yanapojumuishwa katika Historia ya Masuala ya Kitaaluma.

Historia ya Masuala ya Kiuchumi

Imejikita katika bidhaa na huduma za watu katika kuuza na kununua bidhaa zao walizokuwa wakitengeneza. Namna walivyotumia malighafi katika mazingira yao. Bussiness, finance (fedha) and trade (biashara) huwekwa katika kundi hili la Historia ya Masuala ya Uchumi.