MAKTABA YA JAIZMELA: Lil Snupe ni nani?

Juni 20, 2013 rapa chipukizi nchini Marekani Lil Snupe aliuawa kwa kupigwa risasi huko Winnfield, Louisiana. 

Rapa huyo alikuwa ametoka kusaini mkataba na lebo ya Meek Mill Dream Chaser. Siku hiyo ya kifo chake ilikuwa asubuhi ya Alhamisi taarifa za kuuawa kwake zilizagaa kila kona ya taifa hilo. 

Maafisa wa polisi nchini humo walisema nyota huyo aliyekuwa na umri wa miaka 18 aliuawa kwenye majira ya saa 10:00 usiku katika viunga vya Maplewood. Kwa mujibu wa CBS lilisema Lil Snupe alionekana akiwa na majeraha mawili ya risasi mwilini mwake. 

Afisa Polisi Luteni Charles M. Curry alipinga uvumi kuwa Lil Snupe aliuawa wakati akicheza kamari. Kitongoji cha Winnfield kilichokuwa na wakazi 4,840 wakati huo kipo umbali wa saa moja kaskazini mwa Alexandria katika jimbo hilo. 

Meneja wake DJ Smallz Louie V Gutta alitoa taarifa za kifo cha chipukizi huyo. MTV News ililiripoti kuwa Lil Snupe alisainiwa na lebo ya Meek Mill baada ya kusikiliza muziki wake kwa dakika 20 tu. Tweet yake ya mwisho ilisomekana, “i Hold it Down 4 Louisiana.”

Alizaliwa Juni 13, 1995 huko Winnfield, katika Parishi ya Winn. Mama yake alikuwa na umri wa miaka 15 wakati akimzaa rapa huyo. Jina lake halisi ni Addarren Ross. Alikulia huko Jonesboro katika Parishi ya Jackson. Mnamo mwaka 2012 aliachia kibao chake cha kwanza kilichoitwaa ‘16 & Runnin’