Ndoa ya Martin Luther na Katharina von Bora Juni 13, 1525 ilivyovunja mwiko Kanisa Katoliki

Juni 12, 1525 msomi, mwanazuoni, mchungaji, mtunzi wa nyimbo na mtumishi wa Kanisa wa Kijerumani Martin Luther alimwoa Katharina von Bora kinyume na taratibu za Kanisa la Roman Katoliki kwa watumishi wake.

Luther ambaye anachukuliwa kuwa kiungo muhimu katika kuanzisha Uprotestanti barani Ulaya. Luther alimwoa mwanamke huyo baada ya kumsaidia kutoka katika jengo la utawa alimokuwa akiishi kupitia katika mfereji na kumtotorosha hadi Wittenberg hivyo kuwa Mrs Martin Luther.

Katharina alizaliwa mnamo mwaka 1499 akiwa ni mtoto wa mtu mashuhuri. Mnamo mwaka 1504 Katharina alienda shule ya Watawa wa Benedikti huko Brehna karibu na Halle. Pia aliingia tena mnamo mwaka 1508 huko Nimbschen karibu na Grimma. Mnamo mwaka 1515 Katharina alikuala kiapo na kuwa mtawa wa Kanisa. Mnamo mwaka 1523 aliachana na utawa huo.

Kipindi wakati anaolewa Katharina kilikuwa kipindi ambacho watumishi wa zamani wa kanisa barani Ulaya walikuwa wakioa na kuolewa. Katharina wakati anaolewa na Luther alikuwa mdogo kwa miaka 16 na wawili hao walibahatika kupata watoto sita.

Luther aliacha alama kwa familia yake kubwa lakini aliweza pia kufanya starehe za maisha, kutunza bustani, utunzi wa nyimbo (muziki). Katharina alichukua majukumu yote ya familia ikiwamo kazi za ndani na alimshauri Luther asiajili wafanyakazi wa ndani kwa ajili ya utunzaji wa familia yake hali ambayo ilimpa heshima ya kuwa mwanamke mwenye heshima na anayejua majukumu yake pia hakuacha kutunza bustani.

Luther pia aliwatunza wanafunzi nyumbani kwake waliokuwa na hali mbaya ya kifedha katika familia zao. Katika familia ya wawili hawa walikuwa pia wafugaji wa mbwa kwani walikuwa na mbwa wao na chakula chao walitegemea zaidi katika bustani waliyolima huko Black Cloister na baadaye walipata shamba nje kidogo ya Wittenberg.

Luther na Katharina walikuwa wazazi wenye bidii, wakiwaadhibu watoto wao, lakini wakifanya hivyo kwa upendo. Nyumba yao ilijulikana kutokana na muundo wa maisha waliutengeneza maisha yenye furaha yake. Katharina alifariki dunia mnamo Desemba 20, 1552 huko Torgau wakati akikimbia maambukizi ya ugonjwa wa tauni huko Wittenberg.

Luther alikuwa akichukuliwa kuwa kiungo muhimu katika kutoa changamoto katika Ukristo wa Magharibi katika karne ya 16 barani Ulaya. Changamoto hiyo ilisababisha masuala ya dini na siasa kwa kanisa la Roman Katoliki kuwa katika wakati mgumu pia mamlaka ya Papa katika kanisa Katoliki yalikuwa katika changamoto hiyo.

Luther alichapisha mawazo yake 95 mnamo mwaka 1517 na kupitia hapo ndipo mtafaruku ulipozidi katika kisiasa na kidini katika Kanisa la Roman Katoliki. Licha ya Luther kutoa chapiso lake hilo lenye mambo 95  lakini hakuwa ameligawa kanisa Katoliki hadi ilipofika mwaka 1521 wakati ambao mtawala wa Dola ya Rumi Charles V alipotangaza kwamba Luther achukuliwe kama mkaidi na msaliti na asiwepo yeyote wa kufuata aliyoyaandika.

Kwa kuanza Charles V alitangaza kufuta uraia wake katika dola la Rumi.  Mkutano huo ulifanyika katika Bustani ya Heylshof kwenye mji wa Worms ambao upo umbali wa kilometa 60 Kusini-Kusini Magharibi ya Frankfurt na baadaye katika miji mingine iliyokuwa ikijitawala katika dola la Rumi. Charles V aliendesha mkutano huo kumhusu Luther na matokeo ya kuibuka kwa Uprotestanti barani Ulaya kutoka Januari 28 hadi Mei 25 mwaka 1521.

Alizaliwa Novemba 10, 1483 huko Eisleben, nchini Ujerumani wakati huo ikiwa katika dola la Kirumi. Luther aliingia katika utumishi wa Kanisa mnamo mwaka 1507. Akiwa na kanisa la Roman Katoliki alipinga mafundisho mbalimbali ya kanisa hilo pia adhabu zilizokuwa zikitolewa kwa yeyote aliyekuwa akitenda dhambi.

Luther alifundisha kwamba wokovu haupatikani kwasababu ya matendo mema lakini unapatikana kwa neema ya Mungu ikiwa ni zawadi lakini zawadi hiyo ni sharti uwe unamwamini Yesu Kristo kuwa mkombozi kutoka katika dhambi.