MAKTABA YA JAIZMELA: Gabriele Ivy Grunewald ni nani?

Juni 11, 2019 alifariki dunia mwanariadha wa kimataifa raia wa Marekani Gabriele Ivy Grunewald. 

Nyota huyo alikuwa akikimbia mbio za kati ambazo ni kati ya mita 800 na mita 5,000. Mnamo mwaka 2014 alishika nafasi ya tisa katika mashindano ya ndani ya Shirikisho la Riadha la Kimataifa (IAAF) katika mita 3,000. 

Alifariki dunia huko Minneapolis katika jimbo la Minnesota akiwa na umri wa miaka 32. Grunewald alifariki dunia ikiwa ni majuma mawili kabla ya kufanya kumbukizi ya kutimiza miaka 33 ya kuzaliwa kwake Juni 25. 

Mnamo mwaka 2013 aliolewa na Justin ambaye alikuwa daktari (internal medicine physician) ambaye walikutana wakati wakiwa wanafunzi wa Chuo Kikuu cha Minnesota. Mnamo mwaka 2017 Brooks waliachia kipande cha makala kilichoitwa kwa jina lake la utani Gabe. 

Kipande hicho cha makala cha dakika 26 kiliweka bayana mapambano yake ya kuupigania uhai wake dhidi ya saratani na kuwania kufuzu makala ya 16 ya mashindano ya dunia ya IAAF. 

Grunewald aliacha watoto wanne watatu wa kiume (Ben, Caleb, na Zach) na mmoja wa kike (Abigail). Alionekana mara mwisho katika mbio za uwanja Aprili 4, 2015 huko Palo Alto jimboni Calfornia ambako alikimbia mita 5000 kwa dakika 15:19:01. 

Pia alishawahi kushiriki mbio katika jiji la Monaco (Ufaransa), London (England) na Glasgow (Uskochi).