MAKTABA YA JAIZMELA: Grover Cleveland ni nani?

Juni 24, 1908 alifariki dunia mwanasiasa na Rais wa 22 na 24 wa Marekani Grover Cleveland. Alifariki dunia huko Princeton, New Jersey, akiwa na umri wa miaka 71.

Cleveland ni miongoni mwa Marais waliozama ikulu ya White House wakiwa hawajaoa yaani (mabachela au makapera) mwingine ni James Buchanan.

Akiwa na umri wa miaka 47aliingia ikulu na dada yake Rose Cleveland aliungana naye ili amsaidie baadhi ya kazi katika miaka miwili ya kwanza katika utawala wake. Hata hivyo Cleveland hakukaa sana katika ukapera kwani mnamo mwaka 1885 binti wa rafiki yake Oscar Folsom alimtembelea Washington. Mwanadada huyo alifahamika kwa jina la Frances Folsom ambaye alikuwa mwanafunzi wa Chuo cha Wells.

Wakati alipokuwa akirudi chuoni kuendelea na masomo Rais Cleveland alipata ruhusa kutoka kwa mama yake kuwa anaweza kuingia naye mahusiano na haikupita muda wakaoana. 

Juni 2, 1886 Cleveland akiwa na umri wa miaka 49 alimwoa mwanadada Frances ambaye wakati huo alikuwa na umri wa miaka 21 Chumba kimoja kati ya vitatu katika Ghorofa ya Juu ya White House kinachofahamika kama ‘Blue Room’.

Cleveland aliweka rekodi ya kuwa Rais wa pili wa Marekani kufunga harusi katika Ikulu ya White House.  Mwanadada Frances akiwa na umri wa miaka 21 aliweka rekodi ya kuwa First Lady mwenye umri mdogo kuwahi kushika wadhifa huo katika historia ya taifa hilo na aliwavutia awengi sana.

Cleveland alizaa watoto watano Ruth (1891–1904), Esther (1893–1980), Marion (1895–1977), Richard (1897–1974), na Francis (1903–1995). Mwanafalsafa wa Uingereza Phillipa Foot ni mjukuu wa Cleveland. Cleveland alikuwa rais pekee katika historia ya Marekani kuliongoza taifa hilo katika vipindi viwili tofauti.

Aliongoza kutoka mwaka 1885-1889 na akarudi tena mnamo mwaka 1893-1897. Alishinda kura nyingi katika vipindi vitatu tofauti mnamo mwaka 1884, 1888 na 1892. 

Pia Clevaland ni miongoni mwa marais wawili kutoka Democrat kuchaguliwa kushika wadhifa huo akiwamo Woodrow Wilson katika kipindi ambacho Republican iking’ara kati ya mwaka 1861 hadi 1933.