Zifahamu sababu za Imre Nagy kunyongwa Juni 16, 1958

Juni 16, 1958 mwanasiasa wa Kikomunisti wa Hungaria Imre Nagy alinyongwa kwa makosa ya uhaini baada ya Urusi kunyakua tena ardhi ya Hungaria.

Nagy alihudumu katika nafasi ya Waziri Mkuu na Mwenyekiti wa Baraza la Mawaziri  wa Jamhuri ya Watu wa Hungaria kutoka mwaka 1953 hadi 1955. Nagy alinyongwa akiwa na umri wa miaka 62 huko Budapest, Hungaria.

Mwanasiasa huyo ameendelea kuwavutia wengi ambapo mwaka 2003 na 2004 mkurugenzi  wa filamu na mwongozaji Marta Meszaros alitengeneza filamu kumhusu Nagy ikijikita katika maisha yake baada ya mapinduzi. Filamu hiyo ilipewa jina la ‘ A temetetlen halott’ ikiwa na maana Mwili ambao Haujazikwa.

Pia Nagy ametajwa katika filamu nyingine ya Children of Glory ilitoka mwaka 2006 iliongozwa na Krisztina Goda. Wakati wa utawala wa Stalin nchini Hungaria ilikuwa hairuhusiwi kufanya kumbukizi au kwenda kwenye makaburi kwa ajili ya marehemu wao, hata hivyo mnara wa kaburi tupu ulijengwa jijini Paris katika makaburi ya Père Lachaise Juni 16, 1988.

Mnamo mwaka 1989 mabaki ya Nagy yalizikwa upya katika kumbukizi ya 31 katika eneo hilo alilozikwa kwenye mazishi yalioongozwa na upande wa Demokratiki nchini huo uliokuwa ukipinga utawala wa Stalin.

Zaidi ya watu 200,000 walihudhuria maziko hayo. Mazishi ya Nagy ilikuwa ni nukta muhimu katika miaka ya miwshoni ya utawala wa Kikomunisti nchini Hungaria.  Katika hali ya kustaajabisha mnamo Desemba 28, 2018 sanamu maarufu ya Nagy iliondolewa katikati ya jiji la Budapest na kupelekea nje kidogo.

Vyama vya upinzani vyenye misimamo ya Kiliberali na Kisoshalisti viliendelea kumlaumu waziri mkuu mwenye mrengo wa kulia Victor Mihaly Orban kwa kuiondosha sanamu hiyo.

Katika siasa, Nagy alianza tangu mwaka 1917, lakini baada ya vita vikuu vya pili vya dunia alirudi nchini Hungaria. Aliteuliwa kuwa waziri wa Kilimo katika serikali ya Bela Mikols de Dalnok kwa tiketi ya Chama cha Kikomunisti.

Nagy akiwa waziri wa kilimo alijitahidi kugawa ardhi kwa wakulima ambao idadi yao ilikuwa ni kubwa. Serikali iliyofuata iliyoongozwa na Zoltan Tildy aliteuliwa kuwa Waziri wa Mambo ya Ndani.

Katika nafasi hiyo Nagy aliitendea haki kwani alionyesha ukomavu mkubwa kwa kuwavurusha Wajerumani kutoka katika ardhi hiyo, waliyokuwa wameikalia wakati wa utawala wa Kinazi. Alizaliwa Juni 7, 1896.