TAG kufanya maombi ya shukrani, RC Mghwira mgeni rasmi

Kanisa la Assembles Of God (TAG), Amani Soweto la mjini Moshi mkoani Kilimanjaro, linatarajia kufanya maombi ya shukrani kwa Mwenyezi Mungu kwa namna anavyoendelea kuwalinda na kuwaepusha Watanzania dhidi ya madhara yanayotokanayo na janga la Covid- 19

Aidha maombi hayo yataenda sanjari na maombi ya kumshukuru Mungu kwa  kuweza kumaliza nusu mwaka huku wakimuomba Mungu aweza kuwafikisha katika nusu mwaka mwingine tena.

Akizungumza na Waandishi wa habari ofisini kwake Askofu Mkuu Mkuu wa Jimbo la Kilimanjaro Magharibi Dkt. Benjamin William Bukuku, alisema kanisa la TAG Amani Soweto limendaa maombi maalum ya shukrani yatakayo fanyika Juni 28 mwaka huu kanisa hapo.

“Tunapomaliza miezi sita ya mwaka, TAG tumeona mambo makubwa ambayo Mungu amezidi kututendea licha ya janga la virusi vya ugonjwa wa Corana kutokea, lakini sisi kama Watanzania ameweza kutuokoa,”alisema Askofu Dkt. Bukuku.

Dkt. Bukuku alisema baada ya kauli ya Rais wa Tanzania Dkt. John Magufuli ya kuwataka Watanzani kwa  imani zao kumshukuru Mungu kwa kuliepusha taifa na janga la Corona imesaidia kuwaondolea hofu Watanzania.

Askofu   Bukuku ambaye pia ni Mchungaji  Kiongozi wa Kanisa la Amani Soweto alisema  ugonjwa Covid-19 ulikuja ghafla na kuzua hofu kubwa miongoni wa watu wengi  na nchini nyingi duniani ikiwemo Tanzania.

Alisema katika maombi hayo yataongozwa na Askofu wa Kanisa la Assembles Of God (TAG), Jimbo Kuu la Kiteto Askofu Efatha Simon, ambaye atakuwa mgeni rasmi katika maombi hayo huku mgeni rasmi katika maombi hayo atakuwa Mkuu wa mkoa wa Kilimanjaro Dkt Anna Mghwira.