MAKTABA YA JAIZMELA: Ronald W. Reagan ni nani?

Juni 5, 2004 alifariki dunia Rais wa 40 wa Marekani Ronald Reagan. Reagan aliitawala Marekani kutoka mwaka 1981 hadi mwaka 1989. Alichukua mikoba ya Jimmy Carter. Reagan alikuwa mpenda michezo tangu kuzaliwa kwake.

Mnamo Agosti 1994 akiwa na umri wa miaka 83 iliripotiwa kuwa Reagan ameathirika na ugonjwa wa Alzhemeir ambao huanza kwa mtu kushindwa kukumbuka matukio ya sasa hivi. Hata hivyo aliendelea kuishi na hali hiyo hadi mchana wa Juni 5, 2004 alipopatwa naa kichomi kilichosababishwa na maradhi hayo ya Alzhemeir na kufariki dunia. Mkewe Nancy (1921-2016) alithibitisha kutokea kwa kifo hicho. Reagan alifariki dunia akiwa na umri wa miaka 93 na miaka 12 alifariki mkewe huyo akiwa na umri wa miaka 94.

Akiwa jijini Paris Rais wa 41 wa Marekani George H. W Bush alitangaza kuwa Juni 11 itakuwa siku maalumu ya maombolezo kutokana na kifo vha kiongozi huyo aliyefanya naye kazi akiwa makamu wa Rais. Mwili wake ulichukuliwa hadi Santa Monica huko California na kuzikwa katika Makataba ya Kumbukumbu za Rais Ronald Reagan (Ronald Reagan Presidential Library)

Rais huyo zamani wa Marekani aliwaita tumbili wajumbe wa Afrika katika Umoja wa Mataifa UN mwaka 1971 wakati alipokuwa gavana wa Jimbo la California katika ukanda wa sauti uliochapishwa na The Atlantic. Alitoa matamshi hayo ya kibaguzi katika mawasiliano ya simu kwa aliyekuwa wakati huo rais wa Marekani Richard Nixon ambaye alirekodi simu zake zote.

Reagan alikasirishwa kwamba wajumbe wa Afrika katika Umoja wa Mataifa UN hawakuiunga mkono Marekani katika kura ya kuitambua China na kuipiga marufuku Taiwan. Reagan alisema, Kuwaona hao 'tumbili' kutoka mataifa ya Afrika, bado hawafurahii kuvaa viatu! Matamshi hayo yalimfanya Nixon kucheka. Sauti hiyo ilifichuliwa na Tim Naftali, Profesa wa Historia katika chuo kikuu cha New York, ambaye alikuwa mwelekezi katika maktaba ya rais Nixon ambayo ilihifadhi kanda zote zilizorekodiwa za rais huyo kutoka 2007 hadi 2011.

Naftali alikaririwa akisema kwamba, matamshi hayo ya kibaguzi yaliondolewa katika mawasiliano wakati kanda hiyo ilipotolewa 2000 na makavazi ya kitaifa kwa sababu za faragha-wakati rais Reagan bado alikuwa hai. Miongoni mwa nukuu ya mahiri, “Serikali si suluhisho la matatizo yetu; serikali ndiyo tatizo.” Reagan aliisema  katika hotuba yake ya kuapishwa kuwa rais wa 40 wa Marekani.

Alizaliwa Februari 6, 1911 mjini Tampico, Illinois nchini Marekani na kufariki dunia mjini Bel-Air Los Angeles jimboni California. Kabla hajawa gavana wa 33 wa jimbo la California alilohudumu kutoka mwaka 1967 hadi 1975, Reagan alikuwa mwigizaji wa Hollywood.

Mwandishi wa gazeti la Washington Post wakati huo William Gildea aliandika mengi kumhusu Reagan katika medani ya michezo katika gazeti hilo. Aliandika michezo ilikuwa ndani ya damu ya Ronald Reagan. Reagan aliwahi kukaririwa akisema tangu enzi za ujana wake alikuwa akipenda kuigiza, siasa na michezo.

Reagan alikulia katika mji mdogo wa Illinois. Alipokuwa akisoma alikuwa akicheza soka katika Shule ya Dixon ambako alihitimu mwaka 1928. Pia Reagan alikuwa muogoleaji, akipendelea zaidi majira ya joto miaka ile ya 1927 hadi 1932. Ilirekodiwa kuwa Reagan katika medani ya kuogolea aliwaopoa watu 77 waliotaka kuzama kwenye maji. Alifanya hayo katika chuo cha Eureka hapo hapo Illinois karibu na Peoria wakati huo akicheza soka.

Mbali ya soka alikuwa mwendeshaji wa farasi mzuri na alipokuwa Dixon alikuwa akiangalia sana filamu za Tom Mix ambaye alikuwa akimpenda. Hakuishia hapo aliendelea hata miaka mingi iliyofuata.

Reagan hakuweza kucheza Baseball licha ya kusoma na mkali wa mchezo huo wa zama zote Babe Ruth kutokana na kuwa na uoni wa karibu ambao aligunduliwa katika miaka ya ujana wake hali iliyokuwa ikimnyima fursa ya kuona vizuri  mipira kwenye dimba hadi awe karibu sana na tukio.

Mwaka 1932 alihitimu katika chuo cha Eureka ambako Reagan alikuwa akijua kuwa hana mpango wa kuwa mwanamichezo lakini alijiwekea malengo kuwa ataweza kuwa mtangazaji wa michezo.

Hali hiyo alitiwa moyo sana na mama yake tangu akiwa shule ya sekondari na chuoni. Ndoto zake zilitimia pale alipokuwa miongoni mwa watangazaji wa redio akipata kazi ya kutangaza michezo pale WOC, Davenport jimboni Iowa pale aliposimama mbele ya kipaza sauti na kutangaza mchezo husika.

Alikuwa na sauti ya kuvutia sana katika kategori hiyo, hayo yote aliyaanza mwaka 1932. Awali hakuajiriwa kutangaza moja kwa moja lakini kupitia mchezo huo wa chuoni WOC walimuajiri kwa ajili ya kutangaza soka