TIRANARAT: Busu lililovunja Rekodi ya Dunia

Dunia ni sayari pekee kwenye himaya ya sayari zilizopo chini ya jua ambayo jina lake halitokani na majina ya "Miungu wa Dola" ya Kigiriki au ya Kirumi. Pia Dunia hii ambayo viumbe hai tunaishi kuna maajabu mengi na mengine inakuwa vigumu kuamini. 

Dunia yetu imejaa mambo kadhaa ya ajabu ambayo hata hatuyafikirii. Watu wachache wanajua ujumbe mfupi unavyopita kutoka simu moja ya kiganjani hadi nyingine na wachache zaidi wanajua kwa nini matairi ya gari ni meusi? Maajabu haya kuna yale yanayotokana na asili yake lakini kuna mengine ni akili tu ya binadamu kuyatengeneza. Sasa basi umewahi kusikia kuhusu marathon ya kupigana busu? Inawezekana ikawa ni jambo geni kwa wakazi wa ukanda wa Afrika Mashariki lakini sio kwa watu wa Asia hususani Thailand.

Mnamo Februari 12-14, 2013 katika mji wa Pattaya uliopo katika pwani ya Ghuba ya Thailand, umbali wa kilometa 100 kutoka mji mkuu wa taifa hilo wa Bangkok, wapenzi Ekkachai Tiranarat (44) na mke wake Laksana (33) waliweka rekodi ya kupigana busu. Busu hilo nimelipa jina la ‘Ekkachai Tiranarat’

Tiranarat alikuwa mlinzi wa hospitali na Laksana akiwa ni mama wa nyumba maisha yalibadilika kutoka kwenye umaskini hadi kuwa watu wenye hadhi na dunia haitakuja kuwasahau kwa rekodi waliyoweka.

Mji wa Pattaya ni miongoni kati ya miji ya starehe ambayo ina hali ya hewa ya kitropiki na kiangazi nchini humo. Desemba hadi Februari ni wakati ambao huwa ni majira ya joto na kiangazi, Mwezi Machi na April ni majita ya joto na unyevunyevu kutoka mwezi Mei hadi Novemba ni majira ya joto na mvua nyingi.

Tiranarat na mkewe waliweka rekodi ya ‘Kissmarathon’ wakitumia saa 58 dakika 35 na sekunde 58 (dakika 3,515 na sekunde 58) katika tukio lililoandaliwa na ‘Ripley’s Believe It or Not’.

Kwa kifupi ni kwamba washindi hawa walikaa siku mbili wakiwa wanapigana busu pasipo kuachana. Katika Makumbusho hayo ya Ripley mjini Pattaya inasalia kuwa alama muhimu ya kumbukumbu ya Kissmarathon kushikilia rekodi ya dunia ambayo ni takribani miaka saba haijavunjwa popote pale ulimwenguni.

Washindi hao walivunja rekodi iliyopita ya saa 50 dakika 25 na sekunde 1 iliyowekwa na raia wa Thailand Nonthawat Charoenkaesornsin na Thanakorn Sitthiamthong. Siku ya shindano hilo walikuwepo kutaka kuweka rekodi zaidi lakini hawakufanikiwa kuwazidi Tiranarat na Laksana kwani walizimia dakika mbili kabla ya Tiranarat na Laksana.

Siku ambayo Tiranarat na Laksana wanaibuka washindi wa shindano hilo ulikuwa ni usiku wa mwisho wa Siku ya Valentine.

Tiranarat na Laksana walijishindia kitita cha fedha za Thailand baht 100,000 ambazo ni sawa na shilingi za Tanzania milioni 7.6 pia washindi hao walipewa pete za almasi kila mmoja.

Uongozi wa waandaji wa shindano hilo kupitia kwa Makamu wa Rais Sompron Naksuetrong aliviambia vyombo vya habari, “Walikuwa wamechoka kwkasababu hawakulala kwa siku mbili na nusu, walikuwa wamesimama muda wote, na ndio sababu wako dhaifu.”

ILIKUWAJE WAKAWEKA REKODI HIYO?

Waratibu wa shindano hilo la ‘Kissmarathon’  waliweka vigezo ambapo kigezo cha kwanza kabisa kilikuwa ni kwamba busu lilitakiwa kuendelea bila kusimama na lips zilitakiwa wakati wote ziwe zimegusana baina ya wawili hao. Endapo lips zingejiacha au kutogusana basi washiriki wa mashindano hayo wangeshindwa kufuzu.

Pia washiriki walitakiwa kuwa na umri unaoruhusu mambo hayo yaani kufuatana na kanuni za Thailand wale waliokuwa wameoana au ni wapenzi. Halafu washiriki hao walitakiwa kuwa macho muda wote kama ‘mwaaa…mwaaaa….mwaaa…’ ilikuwa iendelee bila kupumzika na ukumbuke walikuwa wakifuatiliwa kwa karibu na kamera.

Washiriki walitakiwa kuwa wamesimama muda wote wa shindano hilo na hawakutakiwa kuwa wameongezewa nguvu kama kuwekewa mto au kuegemea sehemu yoyote au watu. Pia kigezo kingine kilikuwa hakuna mapumziko hata kidogo maana yake ni mwanzo mwisho. Pia hawakutakiwa kuvaa taulo za kunyonya jasho (adult diapers) na mwisho kabisa ilikuwa washiriki hawakutakiwa kuondoka katika eneo la tukio mpaka uwezo wako utakapofikia.

Sipati picha kama ingekuwa hapa Tanzania shindano kama hili lingekuwaje kwa washiriki. Midomo ingevimbaje? Nafahamu mwingine ataanza kusema hizo ni tamaduni za kimagharibi lakini Thailand ipo Asia lakini katika rekodi ya ‘Kissmarathon’ kwa kweli wakaona isiwe taabu.

Unaweza kuona washiriki hawa waliingia kwenye mfungo mrefu wa bila kuonja chochote chakula zaidi ya….