MAKTABA YA JAIZMELA: Maurice White ni nani?

Februari 4, 2016 alifariki dunia mwanamuziki wa Marekani, mwimbaji, mtunzi wa nyimbo, prodyuza Maurice White. 

Maurice White ndiye mwanzilishi wa bendi ya Earth, Wind & Fire. Akiwa katika bendi hiyo alikuwa akifanya kazi na Philip Bailey. 

Alifariki dunia akiwa usingizi kutokana na maradhi ya Parkinson. Alifariki dunia nyumbani kwake jijini Los Angeles, California asubuhi ya Februari 4, 2016 akiwa una umri wa miaka 74. 

Kaka yake aliyefahamika kwa jina la Verdine White aliandika katika ukurasa wa Facebook kuwa kaka yake amefariki dunia kwa amani akiwa usingizi na kwamba ulimwengu umempoteza mkongwe mwingine na mwanamuziki mkubwa na kwamba familia itapitia katika kipindi kigumu. 

Kaka yake huyo aliwashukuru kwa wote kwa maombi. 

Wasanii kama Stokley Williams wa Mint Condition, Richard Marx, Raphael Saadiq, Larry Blackmon of Cameo na Nate Dogg ni miongoni mwa walikuzwa na Maurice White. 

Enzi za uhai wake alishiriki katika tuizo za Grammy mara 22 huku akishinda mara saba tu. Pia Muarice White ameingizwa katika orodha katika Jumba la Wakongwe wa Rock and Roll pia mtunzi bora wa nyimbo.  

Amewahi kufanya kazi na wasanii mahiri Deniece Williams, the Emotions, Barbra Streisand, na Neil Diamond. Maurice White alizaliwa Memphis huko Tennesssee Desemba 19, 1941. 

Hata hivyo alikulia Kusini mwa mji wa Memphis ambako alikuwa akiishi na bibi yake. Akiwa mtoto alikuwa rafiki mkubwa wa Booker T Jones na David Porter. Akiwa na Booker T walianzisha Cooking Little Band wakati huo alikuwa Washington High School. 

Pia alikuwa akifanya safari za mara kwa mara huko Chicago kumtembelea mama yake. Wakati huo kaka yake Verdine Adams alikuwa daktari na mpiga wa Saxophone. 

Pia katika ujana wake Maurice White alikwenda katika Chuo cha Music mjini Chicago na akiwa huko alikuwa akipiga drums katika kumbi za starehe za usiku.