Rached Ghannouchi, spika mpya Bunge la Tunisia

Bunge jipya la Tunisia jana Jumatano limemchagua Rached Ghannouchi wa chama cha Kiislamu cha Ennahdha kuwa spika wa bunge hilo baada ya kuuungwa mkono na mahasimu wake wa Chama cha Heart of Tunisia. 

Hatua hiyo muhimu kwa taifa hilo inaifanya kuingia katika serikali ya muungano. Katika uchaguzi wa mwezi uliopita chama hicho cha Ennahdha kilijinyakulia nafasi 52 pekee kati ya 217 hali iliyowalazimisha kuingia katika muungano  na mahasimu ili kujishindia nafasi ya kuongoza bunge hilo. 

Hata hivyo uwezekano wa kuunda serikali ya muungano unaweza kushindika nchini humo kwani serikali inaweza kuendelea kuwa mikononi mwa  Waziri Mkuu Youssef Chahed. 

Uchaguzi wa jana Jumatano ulikuwa ni mtihani mkubwa na muhimu kwa Ennahdha kutokana na kwamba kabla ya hapo chama hicho kilifutwa mnamo mwaka 2011. 

Tangu wakati huo Ennahdha kimekuwa katika muungano wa serikali mbalimbali. 

Ghannouchi anashika madaraka hayo baada ya kurudi kutoka uhamishoni nchini Uingereza kutokana na mapinduzi ya mwaka 2011. 

Mwanasheria wa chama cha Heart of Tunisia Ridha Charfeddine  amesema chama chao kilimpigia kura Ghannouchi wa Ennahda baada ya makubaliano. Kiongozi wa chama cha Heart of Tunisia Nabil Karoui sasa anatakuwa katika serikali ya muungano na Ennandha.