Jumia yafunga huduma zake Cameroon

Kampuni kubwa la biashara kwa njia ya mtandao wa Internet Jumia Technologies limefunga ofisi zake nchini Cameroon kwa kile kinachoelezwa kuwa kufanya kazi kwa hasara katika taifa hilo la Afrika ya Kati.

Taarifa hiyo ya kutia simanzi kwenye taifa hilo lenye uchumi mkubwa katika ukanda wa Afrika wa Kati inakuja wakati kukiwa na mtafaruku baina ya jamii ya watu wanaozungumza lugha ya Kiingereza katika mikoa iliyopo Kaskazini Magharibi na Kusini Magharibi mwa Cameroon.

Jumia imechukulia umaarufu katika ukanda wa Afrika kama zinavyosifika Amazon na Alibaba kwa biashara hiyo kwa njia ya mtandao.

Taarifa zinasema Jumia itaendelea kuwahudumia wateja wake katika taifa hilo kwa kutumia Jumia Deals tofauti na ilivyokuwa ikitumika sasa.

Katika taarifa yao Jumia wamesema, “ Tumefikia mwisho wa kutoa huduma zetu kutokana kwani haifai kwa muktadha wa sasa hapa Cameroon.”

Jumia iliyopewa jina la wateja wake ‘Amazon of Africa’ ilianzishwa mwaka 2012 na Mfaransa ambaye alikuwa mshauri wa zamani wa McKinsey na kupata umaarufu wake kwa biashara ya mtandao barani Afrika. 

CHANZO: REUTERS