Djibouti ni taifa la namna gani?

Hili ni taifa lililopo katika Pembe ya Afrika. Limepakana na Eritrea kwa upande wa Kaskazini, Ethiopia kwa upande wa Magharibi na Kusini. 

Pia linapakana kwa upande wa Kusini Mashariki na Somalia.Mpaka mwingine uliosalia ni ule wa Bahari ya Shamu na Ghuba ya Aden kwa upande wa Mashariki. Djibouti inachukua eneo la ukubwa wa Kilometa za mraba 23,200.

Taifa hili linakaliwa na makabia mawili ya asili ambayo ni Wasomali na WaAfar. 

Pamoja na Somalia, Taifa hili lilikuwa ni miongoni mwa taifa katika ardhi ya Punt. 

Mwishoni mwa karne ya 19 mikataba iliingiwa baina ya Wafaransa na sultani wa Somali na Afar. 

Pia taifa hilo ni taifa lenye watu kutokana mataifa mbalimbali wanaokaridiwa kufikia laki nane. 

Idadi hiyo inalifanya kuwa taifa lenye idadi ndogo ya watu barani Afrika kwa nchi zilizopo katika ardhi. 

Lugha mbili zinazungumzwa katika taifa hili ambazo ni Kifaransa na Kiarabu. Ukoo wa Issa ambao sasa unatambulikama kama wa Kisomali na ule wa Afar ndio umelifanya taifa hilo kuwa na makabila makubwa mawili. 

Yote mawili yanazungumza lugha ya  Kikushi ikiwa ni sehemu ya lugha zenye asili ya Afrika na Asia. 

Taifa hili limekuwa ni mahali pa majeshi ya majini kutoka mataifa makubwa. 

Pia Djibouti imekuwa mahiri duniani kutokana na meli ambazo zimekuwa zikipita hapo zikitoka Bahari ya Shamu na kwenda Bahari ya Hindi. 

Pia imekuwa ni eneo zuri kwa meli kujaza mafuta na kusafarisha bidhaa kutoka nchi jirani ya Ethiopia. Mji mkuu wa taifa hilo ni Djibouti City.

Imetayarishwa na Jabir Johnson………………………….Novemba 4, 2019.