Niger ni taifa la namna gani?

Taifa hili lipo Afrika Magharibi ambapo lilianza kutumia jina hilo kutokana na jina la mto Niger. Linapakana na Libya kwa upande wa Kaskazini Mashariki, Chad kwa upande wa Mashariki, Nigeria kwa upande wa Kusini, Benin kwa upande wa Kusini Magharibi, Burkina Faso na Mali kwa upande wa Magharibi na Algeria kwa upande wa Kaskazini Magharibi. 

Taifa hilo lina ukubwa wa kilometa za mraba 1,270,000 hivyo kuwa miongoni mwa mataifa makubwa zaidi katika ukanda wa Afrika Magharibi. 

Zaidi ya asilimia 80 ya ardhi ya taifa hili imekaliwa na Jangwa la Sahara. 

Pia Niger ni taifa ambalo lina waislamu kwa kiasi kikubwa kwa takribani ya waamini milioni 22 wa dini hiyo. 

Aidha waamini walio wengi wanaishi katika makundi makundi Kusini na Magharibi mwa Niger. Mji mkuu wa Niger ni Niamey ambao upo pembezoni mwa taifa hilo kwa upande wa Kusini Magharibi. 

Kwa mujibu wa takwimu za Umoja wa Mataifa taifa la Niger linashika nafasi ya 189 kati ya 189 katika kile kinachofahamika kama Human Development Index (HDI). 

Maeneo ambayo sio ya jangwa katika taifa hilo la Niger yamekuwa yakikabiliwa na ukame. Uchumi wa taifa hili umekuwa chini zaidi ukitegemea kilimo katika maeneo machache yenye rutuba. 

Hali hiyo imekuwa ikiliongezea gharama kubwa taifa hilo kutokana na kuongezeka ka kasi kwa idadi ya watu. Licha ya changamoto lukuki katika taifa hilo ikiwa elimu duni, umasikini kwa watu wake. 

Miundo mbinu mibovu uchumi wa taifa umekuwa ukitegemea madini ya Uranium.  Taifa la Nigerlimekuwa likikabiliwa na vikwazo kutoka mataifa makubwa. Kisiasa taifa hilo limeishi katika vipindi vitatu vya utawala wa kijeshi na mabadilikio mara tano ya katiba. 

Kwa sasa bado inashikilia mfumo wa vyama vingi huku idadi kubwa ya watu ikiisha zaidi vijijini kuliko mjini. Niger iliingia katika mfumo wa vyama vingi baada ya mapinduzi ya kijeshi mwaka 2010. 

Rais wa sasa wa taifa hilo linalozungumza Kifaransa ni Mahamadou Issoufou aliyeingia madarakani tangu Aprili 2011.

Imetayarishwa na Jabir Johnson………………Novemba 19, 2019