Misri yamjibu Erdogan wa Uturuki

Waziri wa Mambo ya Kigeni wa Misri Sameh Shoukry amejibu kauli ya Rais wa Uturuki Reccep Tayyip Erdogan kuwa hali ya uchumi iliyopo nchini humo sio sawa na ile ya Uturuki. 

Katika siku za hivi karibuni Erdogan alikaririwa akisema kuwa Uturuki ilivyo kwa sasa kiuchumi sio kama Misri. Katika mahojiano  kwa njia ya simu na mtangazo wa kituo cha televisheni cha MBC Amr Adib jana jumapili  Shoukry alisema tuhuma za kwamba uchumi wa Misri unashuka ni taarifa za kuchekesha. 

Waziri huyo wa mambo ya kigeni aliongeza kuwa Misri ina miradi kadhaa ya kitaifa, pia kuna ripoti chanya za kimataifa kuhusu uchumi wake, pia kushuka kwa dola ya Marekani kunathibitisha madai ya Erdogan sio sahihi. 

Pia Shoukry alisema asilimia 8 ya watu imepata ajira nchini Misri hivyo kupunguza pengo la wasio na ajira katika taifa hilo na uchumi wa Misri kukukua kwa asilimia 5.8 ni alama chanya za kiuchumi. 

Julai 15, 2016 Erdogan alinusurika katika jaribio lililoshindwa la kumtoa madarakani lakini pia alipokea vitisho kutoka nje  na kwamba Uturuki iliyapokea machafuko ya hivi karibuni katika nchi za Syria, Misri na Libya kwa sura tofauti. 

Hata hivyo hiyo sio mara ya kwanza kwami miaka mitano iliyopita kumekuwa na kurushiana maneno kwa maofisa wa Misri na Uturuki pamoja na baadhi ya vyombo vya habari hususani baada ya kung’olewa madarakani kwa Rais wa zamani wa Misri Mohamed Morsi Julai 3, 2013.

CHANZO: EGYPT INDEPENDENT