Idadi ya vifo yafikia 86 maandamano Eritrea

Waziri Mkuu wa Eritrea Abiy Ahmed

Waziri Mkuu wa Eritrea Abiya Ahmed ameyapinga maneno ya wakosoaji wake kuwa serikali yake ni dhaifu na iliyojaa woga kutokana na idadi ya watu waliokufa katika maandamano ya kumtaka aachie ngazi ikifikia 86.

Maandamano hayo yalianza Oktoba 23 yamesababisha vifo vya watu zaidi ya 80 huku Abiy akikosolewa kwa kuwa na mwendo wa kinyonga katika utatuzi wa vurugu hizi.

Juzi Jumapili Abiy akizungumza kupitia kituo cha televisheni alisema haoni sababu ya kutumia nguvu kuzuia vurugu hizo isipokuwa majadiliano ya pamoja na serikali ya Ethiopia kuhusu vurugu hizo zilianzia mjini Addis Ababa na baadaye katika mkoa wa Oromia nchini Ethiopia.

Mshindi huyo wa tuzo ya Amani ya Nobel ambaye alichukua madaraka ya kuliongoza taifa hilo mwaka uliopita amesema amechagua majadiliano katika meza ya pamoja na elimu badala ya kutumia nguvu.

Hata hivyo aliwataka wote wanaofikiri uvumilivu wake ni tafsiri ya udhaifu na woga waachane na hoja hiyo. Katibu Mkuu Kiongozi Billene Seyoum alitangaza wiki iliyopita kuwa vifo vilikuwa 78 na 76 miongoni mwao walipoteza maisha kutokana na msongamano kwenye vurugu hizo.

Abiy aliongeza kuwa 10 kati yao waliuawa kutokana na kupambana ana kwa ana na vyombo vya ulinzi na usalama. Wengi wa waliopoteza maisha katika vurugu hizo ni wa kabila la Oromo wakifuatiwa na Amhara.

Waziri Mkuu huyo anatokea kabila la Oromo na vurugu hizo zinakuja nchini humo wakati uchaguzi mkuu ukitarajiwa kufanya Mei 2020.

CHANZO: TesfaNews