MAKTABA YA JAIZMELA: Andres Manuel Lopez Obrador

Novemba 13, 1953 alizaliwa mwanasiasa wa Mexico ambaye kwa sasa ni Rais wa taifa hilo Andrés Manuel López Obrador.  Amekuwa akifahamika kwa kifupi kama AMLO. 

Aliingia madarakani kwa sanduku la kura mnamo mwaka 2018 hivyo kuweka rekodi ya kuwa Rais wa 58 wa taifa hilo. Alizaliwa katika mji wa Tepetitan uliopo katika manisapaa y macuspana Kusini Mashariki mwa jimbo la Tabasco. Lopez Obrador alihitimu masomo ya chuo kikuu katika chuo kikuu cha taifa cha Mexico mnamo mwaka 1986 kwenye masomo ya siasa. Alipata shahada yake ya kwanza katika masuala ya Sayansi ya Siasa. Alianza harakati za kisiasa mnamo mwaka 1976 akiwa mwanachama wa chama wa PRI katika jimbo la Tabasco. Aliwahi kuwa mkurugenzi wa Taasisi ya Indigenous ya Tabasco mnamo mwaka 1977. Akiwa katika nafasi hiyo Lopez Obrador aliboresha uandishi wa vitabu kuhusu taasisi hiyo. Mnamo mwaka 1989 alijiunga na Chama cha PRD na mnamo mwaka 1994 aliwania kuwa Gavana wa Tabasco. Alikuwa kiongozi wa PRD kitaifa kati ya mwaka 1996 hadi 1999. Mnamo mwaka 2000 alichaguliwa kuwa Mkuu wa Serikali mjini Mexico City. Mnamo mwaka 2012 aliachana na chama cha PRD na kuanzisha chama chake mnamo mwaka 2014 kinaitwa MORENA ambacho alikuwa mwenyekiti hadi mwaka 2017. Lopez Obrador amekuwa akichukuliwa kuwa mtu wa watu na anayependwa pia mzalendo. Amekuwa mashuhuri nchini Mexico kwa zaidi ya miongo miwili. Mnamo mwaka 2018 aliingia katika uchaguzi uliompa kushika madaraka makubwa ya taifa hilo baada ya kupita katika duru tatu akipambana na mgombea wa mrengo wa kushoto wa chama cha Labour Juntos Haremos Historia. Morena ni chama cha mrengo wa kulia katika siasa zake. Katika uchaguzi huo Lopez Obrador alipata asilimia 53 ya kura katika uchaguzi huo.