MAKTABA YA JAIZMELA: Allama Iqbal ni nani?

Novemba 9, 1877 alizaliwa mshairi, falsafa, mwanataaluma na mwanasiasa wa nchini Pakistan Muhammad Iqbal. 

Iqball anachukuliwa kuwa ndiye muhamasishaji mkuu wa vuguvugu la Pakistan miaka ile ya 1940 katika eneo zima la British India kama ilivyokuwa ikifahamika. Licha ya kufariki dunia kwa kiongozi Aprili 21, 1938, mwanasiasa huyo nchini Pakistan humwita Baba wa Kiroho wa Pakistan. Iqbal anachukuliwa kuwa nembo kuu katika Fasihi ya Urdu ambapo Iqbal alifanya kazi katika jamii ya Urdu na Uajemi. Kwa wapenda ushairi Iqbal amekuwa akifuatiliwa na Wahindi, Wapakistan, Wabangladesh, Wairan na wanataaluma wengine ulimwenguni. Ana majina mengi lakini linalofahamika sana ni Allam Iqbal. Licha ya kwamba amekuwa akifahamika kama mshairi mashuhuri lakini bado amekuwa akichukuliwa na Waumini wa Kiislamu kama Mwanafalsafa wa Kiislamu katika zama za kisasa. Kitabu chake cha kwanza cha ushairi cha The Secrets of the Self ambacho alikiandika kwa lugha ya Kiajemi mwaka 1915, pia kazi nyingine za ushairi kwa lugha ya Kiurdu zipo nyingi lakini mashuhuri ni kama The Call of the Marching Bell, Gabriel’s Wing, The Rod of Moses na Gift from Hijaz. Mnamo mwaka 1922 alitunukiwa heshima ya mwaka mpya ya Knight Bachelor na Mfalme George V wakati akisoma sheria na falsafa nchini England. Iqbal alikuwa mwanachama wa All India Muslim League katika tawi la London. Jumatatu ya Desemba 29, 1930 alitoa hotuba ambayo inaelezwa kuwa mashuhuri ya Allahabad Address katika mkutano wa kilele wa 25 wa All-India Muslim League. Hotuba hiyo inaelezwa kuhamasisha kuanzishwa kwa Dola la Kiislamu Kaskazini Magharibi mwa India. Serikali ya Pakistan ilishamtangaza Allama Iqbal kuwa Mshairi wa Taifa hilo na kwa kumheshimu iliamua kutenga siku yake ya kuzaliwa kama siku ya mapumziko “Yōm-e Welādat-e Muḥammad Iqbāl.” Nyumba aliyokuwa akiishi Iqball maeneo ya Sialkot bado ipo eneo hilo  na inatunzwa kwa ajili ya wageni wanaitembelea kujua historia mbalimbali za mshairi huyo. Nyumba hiyo inafahamika kama Iqbal’s Manzil. Lakini pia nyumba nyingine ambayo aliishi maisha yake yote hadi kifo chake ipo mjini Lahore, ambayo inafahamika kwa jina la Javed Manzil. Makumbusho yake yapo katika barabara ya Allama Iqbal karibu na Stesheni ya Treni ya Laore, Punjab nchini Pakistan. Makumbusho hiyo inalindwa kwa sheria ya Punjab Antiquities ya mwaka 1975 na ilitangaza kuwa makumbusho ya taifa la Pakistan mnamo mwaka 1977.