Eritrea ni taifa la namna gani?

Eritrea ni taifa ambalo lipo katika Pembe ya Afrika ambalo mji mkuu wake ni Asmara.

Limepakana na Sudan kwa upande wa Magharibi na Ethiopia kwa upande wa Kusini. Pia limepakana na na Djibouti kwa upande wa Kusini Mashariki. Upande wa Kaskazini Mashariki na Mashariki wa taifa hilo ni pwani ya Bahari ya Shamu. 

Taifa hilo lina ukubwa wa kilometa za mraba 117,600 ikiunganishwa na Dahlak Archipelago na Visiwa vya Hanish. 

Eritrea ni jina la Kigiriki kwa asili ambalo inaelezwa kuwa lilianza kutumika na Italia waliokuwa wakiishi Italia mwaka ya 1890. Eritrea ni jina ambalo Wagiriki waliipa Bahari ya Shamu. Hivyo ni jina jingine la Bahari ya Shamu. Taifa hilo linaundwa na makabila mbalimbali huku makabila tisa yakitambulika sana na kuchukua idadi kubwa ya watu. 

Lina takribani watu milioni 5 hivyo kuliweka kuwa taifa la 116 duniani kwa idadi ya watu. Watu wa taifa hilo huzungumza zaidi lugha za Kisemitiki ambacho kimechanganyikana na Kiafrika na lugha baadhi za Asia (Afroasiatic). 

Jamii za Watingrinya wanachukua takribani asilimia 55 ya watu wa taifa hilo. Pia wapo Watigre wanaochukua asilimia 30 ya watu katika ardhi hiyo. Pia katika lugha kwa nyongeza wapo pia wanaouzungumza KiNilotiki katika baadhi ya makabili kwenye taifa hilo. 

Idadi kubwa ya watu wa taifa hilo ni Waislamu na Wakristo. Katika historia ya kale unaposoma Dola la Axum katika karne ya kwanza na ya pili baada ya Kristo basi ujue kuwa lilikuwa katika ardhi ya Eritrea wakati huo ilikuwa ni kaskazini ya Ethiopia. 

Kuundwa kwa Eritrea ya sasa ni matokeo ya uhuru wa baadhi ya falme kama zile za Medri Bahri na Ausa ambazo ziliunda kile kilichofahamika kama Italian Eritrea. Baada ya kushindwa kwa Waitaliano katika vita mwaka 1942. 

Hivyo basi Mwingereza akaishika Eritrea mnamo mwaka 1952. Umoja wa Mataifa ulifikia maamuzi kuwa Eritrea iwe huru. 

Eritrea ni nchi ya chama kimoja ambayo uchaguzi haujawahi kufanyika tangu ilipotangaziwa uhuru wake. Kwa mujibu wa ripoti za Human Rights Watch zinaeleza kuwa serikali ya Eritrea ni miongoni mwa serikali ulimwenguni ambazo kiwango cha Haki za Binadamu kipo chini mno.

Imetayarishwa na Jabir Johnson............................Novemba 5, 2019