Kilo 476 za Cocaine zakamatwa, Kipindi cha baridi kuwaumiza wengi Morocco

Waziri wa Ushafirishaji wa Morocco Abdelkader Amara amefunguka kuhusu hali halisi ya wananchi wa taifa hilo wanaoishi katika maeneo yasiyofikiwa kiurahisi kuwa inapofika wakati wa baridi hupatwa na matatizo makubwa. 

Amara amesema mikoa 27 ya Morocco joto lake hupungua kipindi cha mwezi Desemba. Takribani raia 736,000 wa taifa hilo hujikuta katika wakati mgumu wakati anguko la theluji linapofika katika maeneo hayo. 

Hata hivyo wanaharakati nchini humo wanasema serikali inapaswa kuchukua hatua ili kuwasaidia watu hao katika maeneo hayo yasiyofikiwa kirahisi. 

Waziri huyo wa Usafirishaji amesema wanajipanga kukabilia na changamoto hiyo ikiwamo kupeleka madaktari 2,480 ambao watatoa msaada wa kitabibu. 

Pia Amara amesema kutakuwa na vituo 745 vya kutoa huduma na magari ya dharura 465 kwa ajili ya wagonjwa. 

Hatua hiyo inaonekana kutiliwa shaka na Rais wa Chama cha Mabalozi wa Mazingira na Mshikamano Ikbal Hafidi ambaye anasema haamini kama hatua hizo zilizotajwa na waziri wa usafirishaji zitafanyika kwa usahihi. 

Wakati huo huo Vyombo vya Ulinzi na Usalama nchini humo vimekamata kilo 476 za dawa za kulevya aina ya Cocaine karibu na mji mkuu Rabat. 

Taarifa kutoka nchini humo zinasema madawa hayo ya kulevya yalikamatwa katika kitongoji cha Harhoura siku ya Jumanne Novemba 19 mwaka huu. Aidha maofisa polisi wamesema walivamia nyumba moja iliyopo kilometa 22 kutoka Rabat katika mji wa Temara uliopo kati ya Rabat na Casablanca. 

Maofisa wa polisi waliwakamata wanawake wawili wenye umri wa miaka 40 na mwingine miaka 38 katika operesheni hiyo.

CHANZO: Morocco News