Libya ni taifa la namna gani?

Libya ni taifa ambalo lipo katika ukanda wa Maghreb katika Afrika ya Kaskazini ikipakana na bahari ya Mediterrania kwa upande wa Kaskazini, Misri kwa upande wa mashariki, Sudani kwa upande wa Kusini Mashariki, Chadi kwa upande wa Kusini, Niger kwa upande wa Kusini Magharibi. 

Pia Liya imepakana na Algeria kwa upande wa Magharibi na Tunisia kwa upande wa Kaskazini Magharibi.  Taifa hilo limeundwa na mikoa mitatu ya kihistoria ya Tripolitania, Fezzan na Cyrenaica. Ina ukubwa wa kilometa za miraba milioni 1.8. 

Libya ni taifa la nne kwa ukubwa barani Afrika likishika nafasi ya 16 ulimwenguni. Taifa hilo limethibitisha kuwa na hazina kubwa ya mafuta likishika nafasi ya 10 ulimwenguni. Mji Mkuu wa taifa hilo ni Tripoli. 

Ina takribani watu milioni sita ambapo kati yao milioni moja wanaishi Tripoli; huku mji wa pili kwa ukubwa ni Benghazi uliopo Mashariki mwa taifa hilo. 

Historia ya Libya inahusu eneo la Afrika Kaskazini ambalo wakazi wake leo wanaunda Jamhuri ya Libya. Wakazi asili walikuwa Waberber. Baadaye wakaja Wafoinike upande wa magharibi na Wagiriki upande wa mashariki. 

Hatimaye Libya ikamezwa na Dola la Roma, na Ukristo ukaenea. Baada ya dola hilo kuanguka, Wavandali waliteka sehemu kubwa ya nchi. Katika karne ya 7 Waarabu waliingiza Uislamu na utamaduni wao. Mwaka 1551 Waturuki walifukuza Wazungu kutoka Tripoli wakatawala hadi karne ya 20. 

Nchi ilitawaliwa na Waitalia tangu mwaka 1911 hadi 1941. Waingereza waliacha nchi mwaka 1951 mikononi mwa mfalme mwenyeji. 

kupindua mfalme Idris I, Muammar al-Gaddafi alitawala kidikteta tangu mwaka 1969 hadi alipopinduliwa na kuuawa mwaka 2011. Baada ya hapo vita vya wenyewe kwa wenyewe hadi sasa.

Imetayarishwa na Jabir Johnson……………………………………Novemba 12, 2019