Miaka 20 tangu kifo cha Mwalimu Julius Kambarage Nyerere, JPM ataka wahusika wa rushwa wachukuliwe hatua

Mwalimu Julius Kambarage Nyerere enzi za uhai. (1922-1999).

Nchi ya Tanzania hii leo imeadhimisha miaka 20 ya kumbukumbu ya kifo cha baba wa taifa hilo Mwalimu Julius Kambarage Nyerere ambaye aliaga dunia Oktoba 14, 1999.

Imekuwa ni  siku ya mapumziko, wakati huu ambapo wananchi wameendelea kuyaenzi yale mazuri aliyowaachia hayati baba wa taifa hilo ambaye wakati wa uhai wake alisisitiza suala la amani na Umoja miongoni mwa Watanzania na bara la Afrika.

Rais wa Jamhuri ya Muungano wa Tanzania John Pombe Magufuli amekemea vikali suala la rushwa nchini humo na kutaka wahusika wawachukulie hatua wale wanaopatikana na hatia.

Watanzania wengi wanamkumbuka baba wa taifa Mwalimu Julius Kambarage Nyerere ambaye alifariki Octoba 14, 1999 ikiwa ni miaka 120 leo. Watanzania wanamuenzi mwalimu kwa mengi, lakini kuu ni ile falsafa yake ya umoja ambayo ilimpelekea kuunganisha Tanganyika na Zanzibar.

Mwalimu Nyerere anaheshimiwa na Watanzania wengi kwa uadilifu na moyo wake wa kutumikia kuliko kutumikiwa.

Julius Nyerere alizaliwa mwaka 1922 katika eneo la mashariki mwa Ziwa Victoria na aliyeishi katika maisha ya kawaida, ambapo baba yake alikuwa kiongozi wa kabila ndogo.

Alianza shule akiwa na umri wa miaka 12 na alisomea taaluma ya ualimu katika Chuo Kikuu cha Makerere nchini Uganda. Baada ya kufundisha kwa miaka mitatu alipata ufadhili wa kusomeshwa katika Chuo Kikuu cha Edinburgh.

Alifundisha Kiingereza, Kiswahili, na historia katika Chuo Kikuu cha jijini Dar es Salaam, na kutokana na mwenendo wake aliochaguliwa kuwa mkuu wa shirika la Tanganyika African Association.