Nyusi atua Sochi kwa ajili ya mkutano wa Russia-Afrika

Rais Filipe Nyusi wa Msumbiji amewasili katika uwanja wa ndege wa Sochi nchini Russia leo asubuhi katika ziara ya siku mbili katika Shirikisho hilo ukiwa ni mwaliko rasmi wa Rais Vladimir Putin. 

Taarifa ya Ikulu ya Msumbiji imesema kuwasili wa Nyusi kulipokelewa na sherehe za kitamaduni zilizombatana na hotuba fupi akiwa hapo hapo uwanjani. 

Katika ziara yake ya siku mbili nchini humo Nyusi atakutana na Rais Putin pia na viongozi wengine wa Afrika ambao wapo nchini humo kwa ajili ya mkutano wa Kiuchumi baina ya Russia na Afrika uliandaliwa kuimarisha uhusiano wa kibiashara. 

Rais Nyusi ameambatana na Waziri wa Mambo ya Nje na Mahusiano Jose Pacheco, Waziri wa Usafirishaji na Mawasiliano Carlos Mesquita, Naibu Waziri wa Madini na Nishati Augusto Fernando, Balozi wa Msumbiji nchini Russia Mario Ngwenya. 

Mkutano huo huko Sochi utafanyika kuanzia kesho Jumatano Oktoba 23 hadi 24 mwaka huu, ukibeba kauli mbiu ya; “Kwa amani, Usalama na Maendeleo.” Nyusi atakutana na Putin hapo kesho. 

CHANZO: Presidencia daRepublica, Rádio Moçambique