Nigeria ni taifa la namna gani?

Nigeria ni taifa lililopo Afrika Magharibi linalopakana na Niger kwa upande Kaskazini, Chad kwa upande Kaskazini-Mashariki, Cameroon kwa Mashariki na Benin kwa upande wa Magharibi. 

Kwa upande wa kusini inapakana na Ghuba ya Guinea iliyopo katika bahari ya Atlantiki. Taifa hilo linaundwa na Majimbo 36 na Mji Mkuu wa Shirikisho la Majimbo hayo ambayo ni Abuja. 

Katiba ya Nigeria inaitambua Nigeria kama taifa la kidemokrasia lisilo na dini. Kwa sasa taifa hilo linaongozwa na Muhammadu Buhari ambayo alishika mikoba hiyo tangu mwaka 2015. 

Buhari alipokea kutoka kwa Goodluck Jonathan. Nigeria imekuwa ikichukuliwa kuwa Mwamba ya Afrika kutokana na kuwa na idadi kubwa ya watu kuliko Taifa lolote barani hapa. Ina takribani watu milioni 186 ikiwa ni nchi ya saba duniani kwa kuwa na idadi ya watu. 

Pia ni nchi ya tatu baada ya China na India kwa kuwa na zaidi ya watu milioni 90 walio chini ya umri wa miaka 18. Nigeria inachukuliwa kuwa ni taifa lenye makabila akali ya 250 ambayo kwa kiasi kikubwa yakiongozwa na Wahausa, Wayoruba na WaIgbo. 

Zaidi ya lugha za kienyeji 500 zinazungumzwa nchini humo. Hata hivyo Nigeria inaunganishwa na lugha ya Kiingereza cha Nigeria. Katika dini Nigeria imekuwa ikimilikiwa na Wakristo na Waislamu. 

Idadi kubwa wa Wakristo inapatikana kusini mwa taifa hilo na waislamu wakiwa kaskazini mwa taifa hilo. 

Kabla ya mwaka 1999 taifa hilo lilikuwa chini ya tawala za kidikteta. Mnamo mwaka 2011 kulifanyika uchaguzi ambao ulimweka madarakani Rais Goodluck Jonathan. 

Uchaguzi huo unachukuliwa kuwa wa kwanza wa huru na wa haki na kumpata rais kupitia sanduku la kura.

Imetayarishwa na Jabir Johnson…….Oktoba 3, 2019.