Zimbabwe ni taifa la namna gani?

Zimbabwe ni nchi ambayo ipo Kusini mwa Afrika kati ya mto Zambezi na Limpopo. Zimbabe imepakana na Afrika Kusini, Botswana, Zambia na Msumbiji. Mji Mkuu wa Zimbabwe ni Harare na mji mkuu kwa ukubwa nchini humo ni Bulawayo. 

Nchi hiyo ina takribani milioni 16. Ina lugha zipatazo 16 zinazozungumzwa lakini Kiingereza , Kishona na Kindebele ndizo ambazo mara nyingi zimekuwa zikitumika. 

Tangu karne ya 11 eneo ambalo kwa sasa linaitwa Zimbabwe limetawala na falme mbalimbali.  Zimbabwe ilijipatia uhuru kutoka kwa Waingereza mwaka 1980. 

Taifa hilo lipo katika jumuiya mbalimbali za Kimataifa, ambazo ni Umoja wa Mataifa (UN), Umoja wa Afrika (AU), Jumuiya ya Maendeleo Kusini mwa Afrika (SADC) na COMESA. 

Pia Zimbabwe imekuwa ikifahamika kwa jina la ‘Kito cha Thamani cha Afrika’, kutokana na ukuaji wake. Hata hivyo huwezi kuizungumza Zimbabwe bila kumtaja kiongozi maarufu wa taifa hilo aliyefariki dunia Septemba 6, 2019 nchini Singapore akiwa na umri wa miaka 95. 

Nchi za Magharibi zimekuwa zikikosa utawala wake kutokana na tabia yake ya kutotii matakwa ya mataifa hayo ambayo inatafsiriwa kama kiburi. 

Mugabe aliondolewa madarakani Novemba 21, 2017 na kundi la Emmerson Mnangagwa ambaye baada ya uchaguzi wa Julai 30, 2018 alikuwa mwenyekiti wa ZANU-PF na Rais wa Taifa hilo kwa sasa. 

Katika uchaguzi huo Mnangagwa alipambana na kijana Nelson Chamisa ambaye anaongoza chama cha upinzani cha MDC Alliance.

Zimbabwe ina majimbo 8 ambayo ni Bulawayo, Harare, Manicaland, Mashonaland Central, Mashonaland East, Mashonaland West, Masvingo, Matabeleland North, Matabeleland South na Midlands. Pia Zimbabwe ina wilaya 59 na kata 1,200.

Katika uchumi wa taifa hilo lililopo Kusini mwa bara la Afrika; madini, dhahabu na kilimo yamekuwa ni kiungo kikubwa kinacholiingizia taifa hilo fedha za kigeni. Utalii pia ni kiungo muhimu katika uchumi wa Zimbabwe.