Serikali ya Lesotho yarefusha mkataba wake na Gem Diamonds

Serikali ya Lesotho imeongeza mkataba wa uchimbaji wa madini ya almasi kwa miaka 10 mingine na kampuni la uchimbaji wa madini hayo la Letšeng.

Kampuni kubwa la madini nchini humo la Gem limetoa tangazo hilo kwamba mkataba mpya uliosainiwa na serikali ulianza kufanya kazi tangu Okotba 3 mwaka huu. 

Gem imesema mkataba huo umeongeza mauzo kutoka asilimia 8 hadi 10 tangu uliposainiwa mwanzoni mwa mwezi huu.

Kuongezwa kwa miaka katika mkataba huo kutalifanya kampuni hilo kumaliza makubaliano hayo 2034 kutokana na kwamba mkataba wa sasa wa uchimbaji utamalizika 2024.

Kuongezwa kwa mrahaba huo kuongeza ufanisi katika maeneo mengi ambayo bunge la nchi hiyo lilikuwa likinyoshea kidole cha lawama kampuni hilo kwamba kampuni hilo limekuwa likilipa chini ya asilimia 10.

Gem Diamonds inamiliki asilimia 70 ya uchimbaji huo huku serikali ikichukua asilimia 30 ya uchimbaji.  

Soko la Hisa la London (LSE) katika taarifa zake liliandika kuwa serikali ya Lesotho imerusha mkataba wake na Gem Diamonds.

Mkurugenzi Mtendaji wa Gem Clifford Elphick amesema kuongeza mkataba kutasaidia na kuchangia kwa kiasi kikubwa maendeleo ya kiuchumi na kijamii kwa raia wa Lesotho.

CHANZO: LESOTHO TIMES