Mauritius yajiandaa uchaguzi Novemba 7

Wagombea 817 wa viti mbalimbali nchini Mauritius wameandikishwa katika majimbo 21 nchini humo kwa ajili ya uchaguzi ujao wa Novemba 7 mwaka huu. 

Taarifa ya serikali ya Mauritius imesema idadi ya wagombea mwaka huu imevunja rekodi tangu kuanza kufanyika kwa uchaguzi nchini humo mwaka 1967. Vyama vitatu nchini humo vya MSM-ML, Ptr-PMSD na MMM vimepeleka wagombea 60 katika majimbo hayo yakiwamo ya Rodrigues na Agalega. 

Aidha taarifa hiyo imeongeza kuwa wapiga kura waliondikishwa wamefikia 941,719 kwa ajili ya uchaguzi mkuu mwaka huu nchini humo. Serikali ya taifa hilo inaundwa na chama chenye wingi wa viti bungeni. 

Kiongozi wa chama kimojawapo atakayekuwa na wingi wa viti bungeni ndiye atakuwa Waziri Mkuu na kuongoza serikali ya taifa hilo. Na wa pili katika kupata viti bungeni atakuwa kambi ya upinzani katika serikali ya taifa hilo.

CHANZO: REPUBLIC OF MAURITIUS