Namibia ni taifa la namna gani?

Namibia ni taifa lililopo kusini mwa Afrika. Upande wa Magharibi limepakana na bahari ya Atlantiki. 

Pia inapakana na mataifa ya Zambia na Angola katika mpaka wake wa Kaskazini. 

Kwa upande wa Mashariki taifa hilo linapakana na Botswana na Afrika Kusini kwa upande wa Kusini na Mashariki. 

Japokuwa taifa hilo halipakani na Zimbabwe mto Zambezi umekuwa mpaka baina yake kwa mita zisizozidi 200.   

Namibia ilipata uhuru wake kutoka Afrika Kusini Machi 21, 1990 baada ya vita vya Uhuru vya Namibia. Mji Mkuu wa taifa hilo ni Windhoek. Namibia imekuwa mwanachama wa Umoja wa Mataifa, Jumuiya ya Maendeleo Kusini mwa Afrika (SADC), Umoja wa Afrika  (AU) na Jumuiya ya Madola (Commonwealth). 

Ardhi ya taifa hilo no kavu yenye hali ya Jangwa. Imekuwa ikikaliwa na watu wa jamii ya Damara na Nama. Katika karne ya 14 jamii ya Wabantu ilihamia katika maeneo ya jamii hizo kutokana na kusambaa kwa Wabantu. Tangu kwa wakati huo kundi kubwa la Kibantu la Aawambo limekuwa likiikalia ardhi hiyo. 

Mwaka 1878 ilikuwa chini ya Waingereza, mnamo mwaka 1884 Wajerumani waliikalia ardhi hiyo na ikawa inaitwa German South West Africa. Wajerumani walitengeneza miundo mbinu ya reli na kilimo. 

Hata hivyo kati ya mwaka 1904 hadi 1908 kulitokea mapigano yaliyosababisha watu wengi kupoteza maisha baina ya Waherero na Wanama. 

Utawala wa Wajerumani ilifikia kikomo mwaka 1915 ukipigwa na Afrika Kusini. Hata baada ya Vita Vikuu vya Dunia kuisha taifa hilo likasalia kuwa mikononi mwa League of Nations.  

Mnamo mwaka 1966 Umoja wa Mataifa ulitangaza kuwa utawala wake juu ya taifa hilo umeisha ndipo Afrika Kusini ilishikilia eneo hilo kwa Sheria ya de facto. 

Mnamo mwaka 1973 Umoja wa Mataifa ulikitambua rasmi chama cha harakati za ukombozi kwenye taifa hilo cha SWAPO ambacho kwa kiasi kikubwa kilikuwa na watu wengi wa jamii ya Aawambo. 

Afrika Kusini iliweka utawala wa mpito katika taifa hilo mwaka 1985 na ilipofika mwaka 1990 ilitoa uhuru kamili kwa Namibia. Hata hivyo Walvis Bay na Penguin Islands ilikuwa chini ya milki ya Afrika Kusini hadi mwaka 1994. 

Namibia ina idadi ya watu akali ya milioni 2.6 huku ikiongozwa na mfumo wa demokrasia ya vyama vingi. 

Kilimo, ufugaji, utalii na uchimbaji wa madini kama Uranium, dhahabu, fedha na metali za base zimekuwa muhimili wa uchumi wa taifa hilo ambalo kwa sasa linaongozwa na Rais Hage Geingob ambaye alishika wadhifa huo kuanzia Machi 21, 2015. Geingob alipokea mikoba ya Hifikepunye Pohamba.