Botswana ni taifa la namna gani?

 Jamhuri ya Botswana ni taifa mabalo linapatikana Kusini mwa Afrika. 

Hapo awali lilikuwa likijulikana kama koloni la Uingereza likiwa na jina la Bechuanaland. 

Ilipata jina jipya baada ya kupata uhuru wake ikiwa mikononi mwa Jumuiya ya Madola Septemba 30, 1966. 

Tangu hapo imekuwa kijulikana hivyo ikiwa ni taifa ambalo chaguzi zake zimekuwa imara bila kuyumba. Mwaka 1998 lilikuwa ni taifa ambalo lilikuwa bora katika mapambano dhidi ya rushwa. 

Ni taifa ambalo limekuwa kongwe katika masuala ya demokrasia barani Afrika. Asilimia 70 ya taifa hilo imechukuliwa na Jangwa la Kalahari. 

Imepakana na Afrika Kusini kwa upande wa Kusini na Kusini Mashariki, Namibia kwa upande wa Magharibi na Kaskazini na Zimbabwe kwa upande kwa Kaskazini Mashariki. 

Pia Botswana imepakana na Zambia kwa upande wa Kaskazini karibu na eneo linalochukuliwa kuwa lina maisha ya kiwango cha chini la Kazungula. 

Taifa hilo lina takribani watu milioni mbili, likiwa katika rekodi ya mataifa yenye idadi ya watu waliotawanyika. Ni asilimia 10 pekee ya watu hao ndio wanaishi katika mji mkuu wake wa Gaborone. 

Miaka ya nyuma lilikuwa ni taifa maskini zaidi duniani miaka ya mwishoni mwa 1960 lakini baada ya hapo limefanikiwa kwa kiasi kikubwa kuweza kuwa taifa lenye uchumi unaokua kwa kasi. Uchumi wa Botswana unategemea uchimbaji wa madini, ufugaji wa ng’ombe na utalii. 

Kwa sasa limekuwa ni taifa ambalo lina mazingira bora ya kuishi na kuwa miongoni mwa mataifa chini ya Jangwa la Sahara yenye Maendeleo katika kiwango cha HDI (Human Development Index). 

Botswana ni mwanachama wa Umoja wa Afrika, Jumuiya ya Maendeleo Kusini mwa Afrika, Jumuiya Madola na Umoja wa Mataifa. Hata hivyo taifa hilo lina asilimia 20 ya watu waliathiriwa na Virusi vya Ukimwi na Ukimwi wenyewe. 

Inaelezwa kuwa idadi ya watu waliokuwa na maradhi hayo ilipanda kutoka 290,000 mwaka 2005 hadi 320,000 mwaka 2013.

Imetayarishwa na Johnson Jabir…….Oktoba 10, 2019