Apandishwa kizimbani kwa jaribio la kumuua bintiye wa miaka 3

Mwanamke mwenye umri wa miaka 36 amefikishwa katika vyombo vya sheria nchini Namibia kwa kujaribu kumuua mwanaye wa miaka mitatu kwa kumchoma na kisu huku mtoto wake wa miezi miwili na miaka sita wakinusurika.

Mahakama ya Hakimu Mkazi ya Keetmanshoop imesema kuwa tukio hilo alilitenda siku ya Jumamosi huku dhamira yake ikiwa bado haijafahamika.

Mahakama hiyo imemtaja mwanamke huyo kuwa ni Elfriede Stoffel, mama wa watoto watatu hakutakiwa kujibu lolote na kesi hiyo imeahirishwa hadi Novemba 6 mwaka huu itakapotajwa tena.

Mwendesha mashtaka wa serikali Coleen Yisa ameita mahakama kutompa dhamana mwanamke huyo kutokana na aina ya kosa alilolitenda.

Mwendesha mashtaka huyo ameiambia mahakama hiyo kuwa endapo angepewa dhamana ingeondoa umuhimu wake kwa jamii kwani alichokifanya ana kesi ya kujibu kwa manufaa ya jamii.

Mwanamke huo ameonyesha nia yake ya kupata msaada wa kisheria. 

Kwa upande wake David Indongo Kamishna Msaidizi wa Polisi wa Kharas aliviambia vyombo vya habari juzi Jumapili kuwa mhanga amelazwa katika hospitali ya Keetmanshoop. 

Indongo aliongeza kuwa mwanamke huyo alimchoma kwa kitu chenye ncha kali na kuacha alama katika mgongo.

Aidha mhanga huyo ambaye ni mtoto wa kike anaendelea vizuri baada ya kupata huduma.

Kamanda Indogo aliongeza kuwa baada ya kutekeleza unyama huo, alitokwa na machozi na kuonyesha kujutia kitendo alichomfanyia bintiye yake.

Mashuhuda wa tukio hilo ambao ni ndugu zake walisema kuwa ndugu yao ana matatizo mengi sana ambayo yanamfanya awe na msongo wa mawazo.

Siku ya tukio walisema mwanamke huyo alijifungia na watoto wake watatu wa miezi miwili na mwingine wa miaka sita na aliyetendewa ukatili huo.

Kelele za watoto waliokuwa wakipiga ziliwashtua mashuhuda hao na kukimbia kwenda kutoa msaada na walipofungua mlango walikuta tayari ameshamchoma bintiye. 

Vyanzo vingine vinadai kuwa wasingewahi alikuwa na madhumuni ya kuwamaliza wanaye wote watatu. Hata hivyo katika siku za karibu nchini humo kumekuwa na matukio ya kustaajabisha likiwamo la babu mwenye umri wa miaka 69 kumbaka mjukuu wake mwenye umri wa miaka 14.

Mahakama ya Keetmanshoop imesema mwanaume huyo aliyefahamika kwa jina la Aron Basson alifikishwa kizimbani kwa kosa la kubaka na kutishia.

Pia mkazi wa Rehoboth huko Kuvukiland mwenye umri wa miaka 22 aliyefahamika kwa jina la Ruben Losper alikwenda kwa girlfriend wake wa zamani na kumchoma visu mara tano katika kifua kasha naye kujiua. 

Msichana aliyefahamika kwa jina la Bianca va Wyk (22) alifariki dunia akiwa kwenye harakati za kufikishwa hospitali. 

Msemaji wa Jeshi la Polisi Naibu Kamishna Edwin Kanguatjivi amesema kijana huyo alijiua kwa kujinyonga kwa waya kwenye mti usiku wa kuamkia jana huku chanzo kikiwa bado hakijafahamika.