Ufahamu mwezi Novemba

Novemba ni mwezi wa pili wa mwisho katika kalenda ya Gregori. Mwezi huu upo katikati ya mwezi Oktoba na Desemba katika kalenda hiyo. 

Una siku 30 katika mfululizo wake. Jina lake limechukuliwa ktoka katika lugha ya Kilatini ‘Novem’ ikiwa na maana ya tisa. 

Baada ya mabadiliko makubwa ya kalenda ikiwamo kuongezwa kwa mwezi Januari na Februari katika kalenda ya Kirumi ukaachwa uwepo kwenye mwendelezo wa kawaida na usomeke kama 11. 

Namna mwezi Novemba unavyoanza huwa unaanza sawa na mwezi Machi ambao ni wa mwezi wa tatu wa kalenda ya sasa na huwa unamalizika kama mwezi Agosti kwa maana ya mwezi wa nane. 

Katika Mzingo wa Kaskazini, mwezi Novemba huwa ni mwanzo wa majira ya baridi na katika mzingo wa Kusini mwezi huu huwa ni mwisho wa vipindi vya baridi na mwanzo wa hali ya joto. 

Aidha mwezi Novemba ni miongoni mwa miezi mitano ambayo ina siku chini ya 31 na ni mwezi wa tano katika miezi mitano ya mwisho.

Imetayarishwa na Jabir Johnson……………………….Novemba 1, 2019.

Read More

Kilimo uti wa mgongo wa Tanzania

Waziri Kilimo Japhet Hasunga akiwa na Mkuu wa Mkoa wa Kilimanjaro Dkt. Anna Mghwira (kulia) na Katibu Tawala wa Mkoa wa Kilimanjaro (kushoto). Picha na Kija Elias, Moshi.

Kilimo ni uti wa mgongo wa uchumi wa Tanzania. Kilimo huzalisha nusu ya uchumi wa nchi, robo tatu ya mazao yote yanayouzwa nje ya nchi, ni tegemezi la chakula na hutoa ajira ya karibu asilimia 80 ya Watanzania.

Licha ya sekta ya kilimo kuaajiri watu wengi hapa nchini, mchango wa Sekta hiyo  katika pato la taifa ni ndogo na watu wengi wanaojihusisha na kilimo  hasa katika maeneo ya vijijini bado ni masikini.

Sekta hii ya kilimo ni kubwa na ni muhimu kwa maendeleo ya taifa kwani karibu shughuli zote za kiuchumi zinazofanywa vijijini zinategemea sekta ya kilimo.

Ripoti ya Shirika la Kilimo Duniani (FAO) inasema mahitaji ya bidhaa za kilimo yanatarajiwa kukua kwa asilimia 15 katika kipindi cha muongo mmoja ujao huku, ukuaji wa uzalishaji wa bidhaa za kilimo ukitarajiwa kuongezeka kwa kasi zaidi na kusababisha mfumuko wa bei.

Aidha ripoti hiyo iliyotolewa mwezi Julai mwaka huu inatoa utafiti unaolenga mwelekeo wa miaka kumi ijayo katika soko la bidhaa za kilimo na samaki katika viwango vya kitaifa, kikanda na kimataifa.

Katika ripoti hiyo inaelezwa kuwa miongoni mwa changamoto kubwa inayowakabili wakulima katika Mataifa yanayoendelea ikiwemo Tanzania ni pamoja na ukosefu wa masoko ya mazao yao ndani na nje ya nchi.

Katika miaka ya nyuma baadhi ya wakulima wa baadhi ya mazao kadhaa  wakiwemo wakulima wa zao la kahawa waliamua kuachana kabisa na uzalishaji wa mazao husika ikiwemo zao la Kahawa na korosho.

“Changamoto za wakulima kukosa masoko haziwaathiri wakulima pekee, bali hata serikali hivyo ni suala linalogusa pande zote, kwa sababu serikali nayo inategemea kupata mapato yake kutokana na usafirishaji wa mazao nje ya nchi.

Read More

Ushelisheli yatoa wito kwa mataifa kuhusu mabadiliko ya hali ya hewa

Rais Danny Faure wa Ushelisheli; nchi isiyozidi watu 100,000

Rais Danny Faure wa Ushelisheli amesema hakuna muda wa kutupiana lawama katika mapambano dhidi ya mabadiliko ya hali ya hewa. 

Taarifa ya Ikulu ya Ushelisheli imesema ni vema kuacha kurushiana lawama kutokana na mabadiliko ya hali ya hewa.  

Faure amesema sayansi ipo sawa katika hilo, wanasayansi wameshazungumza  kuhusu tatizo hilo na kwamba kinachotakiwa ni hatua za kimataifa katika kupambana na hilo na sio kunyosheana vidole vya lawama.

Faure amesema uchafuzi wa maji katika bahari umekuwa wa kiwango cha juu kwani Kilogramu 25,750 za plastiki zimekusanywa kutoka bahari hali inayoonyesha kuathirika kwa bahari. 

Uchafuzi wa maji katika bahari hiyo umesababisha kupanda kwa joto linalosababisha miamba kulika. Taifa hilo la Ushelisheli linaendelea na kampeni ya kutunza maji yake na kwamba theluthi moja ya maji yanatarajiwa kulindwa mwaka ujao katika mpango kazi huo. 

Wanasayansi wanatarajia kutoa ripoti yao kuhusu utafiti wao katika kilele cha Mkutano wa Mabadiliko Tabia Nchi wa mataifa yaliyoko katika Bahari ya Hindi mnamo mwaka 2022 utakaofanyika nchini humo.

CHANZO: SEYCHELLES NATION

Read More

Ushelisheli ni taifa la namna gani?

Ushelisheli ni taifa ambalo ni visiwafungu katika bahari ya Hindi likiwa kiliometa 1,500 kutoka katika Pwani ya Afrika Mashariki. 

Visiwafungu vya Comoro, Madagascar, Reunion na Mauritius vipo upande wa Kusini mwa Ushelisheli. Pia Maldives na Chagos Archipelago kwa upande wa Mashariki. Ushelisheli ina takribani watu 94,367. 

Idadi hiyo ya watu inalifanya taifa hilo la Ushelisheli kuwa ndio  lenye idadi ndogo ya watu katika bara la Afrika. Ilijiunga na Umoja wa Afrika baada ya kupata uhuru wake mwaka 1976. 

Kutoka wakati huo hadi sasa Ushelisheli limekuwa ni taifa linalokuwa kiuchumi likiegemea zaidi katika kilimo na utalii. Mapema mwanzoni mwa mwaka 2010 Rais wa Taifa hilio Danny Faure alipeleka mipango yake katika Bunge la nchi hiyo kwa ajili ya kuhamasisha uwekezaji nchini humo. 

Hali hiyo imelisaidia taifa hilo kuwa na uchumi bora kwani hadi sasa ndilo taifa pekee katika bara la Afrika lenye uchumi wa juu kuliko jingine. Hata hivyo kuwa na kiwango bora cha juu katika masuala ya uchumi hakujafanikiwa sana kuondoa umaskini. 

Mfumo wa sias ala taifa hilo ni kwamba Rais ndiye kiongozi wa nchi na mtendaji mkuu serikali. Anachaguliwa kwa kupigiwa kura na kukaa madarakani wa miaka mitano. 

Bunge la Ushelisheli lina wajumbe 34 huku 25 wanachaguliwa kwa kupigiwa kura kila miaka mitano. 

Mfumo wa sheria wa taifa hilo ulianzishwa mwaka 1903 ukianzisha katika mahakama ya mwanzo hadi mahakama ya rufani. Chama kilichotawala taifa hilo ni kile cha PP hadi mwaka 2009 kilipobadilishwa jina na SPPF. 

Hata hivyo mnamo Novemba 2018 chama hicho kimebadili jina lake na kuwa Muungano wa Ushelisheli (US). Dini ya Kikristo nchini humo ndiyo yenye wafuasi wengi ikichukua asilimia 76.2 ikifuatiwa na Uhindu unaochukua asilimia 2.4 huku Uislamu ukishika nafasi ya tatu kwa asilimia 1.6 ya idadi ya watu katika Ushelisheli. 

Katika michezo mpira wa kikapu ndio unaongozwa kwa kupendwa nchini humo. Tangu mwaka 2015 taifa hilo limekuwa likipambana na mataifa makubwa kama Misri katika mchezo huo. Mji mkuu ni Ushelisheli ni Victoria.

Imetayarishwa na Jabir Johnson………………………………Oktoba 31, 2019

 

Read More