Mfahamu Mr. Bean

Juni 28, 2020 huko nchini China, wakulima walisanifu sura ya mwigizaji wa Uingereza Mr. Bean katika mashamba ya mpunga. Liliandika gazeti la Economic Times (ET) la Mumbai, India. Hii ni kuridhihirisha kuwa bado mwigizaji huyu yupo kwenye vichwa vya watu.

Mr. Bean amekuwa akifahamika hivyo kwa miaka mingi lakini Mr. Bean ni aina ya kichekesho ambacho kilitengenezwa na mwigizaji mmoja atahusika katika episode moja hadi nyingine. Huwa linatumika neno ‘Sitcom’ hivyo Mr. Bean ni sitcom ya Uingereza iliyotengenezwa na Rowan Atkinson na Richard Curtis miaka ile ya 1990.

Tiger Aspect walihusika kumpandikiza Atkinson kuwa ndiye atakayehusika katika episode zote. Na Atkinson akapewa jina la Mr. Bean kama tunavyomfahamu hadi leo. Sitcom hiyo ilikuwa na episode 15 ambazo ziliandikwa na Atkinson akiwa na Curtis na Robin Driscoll pia Ben Elton. Episode ya kwanza ilitoka Januari 1, 1990 na ya mwisho ilitolewa Desemba 15, 1995.

Mwigizaji katika sitcom hiyo ambaye ni Mr. Bean, wazo lilianza wakati Atkinson akiwa anasoma shahada ya uzamili katika Uhandisi wa Umeme katika Chuo cha Queen’s mjini Oxford. Mchoro uliokuwa ukionyesha Bean ulionyeshwa huko Edinburgh Fringe mapema mwaka 1980.

Mshiriki mwingine katika kichekesho aliyefahamika kama Robert Box aliigiza na Atkinson mara moja katika TV mwaka 1979. Kuonekana kwa Mr. Bean katika jukwaa ilikuwa ni mwaka 1987 katika jiji la Montreal, Quebec nchini Canada katika’ Just for Laughs’ Kilichowastaajabisha waratibu wa tamasha hilo Atkinson alitaka kuigiza kwa lugha ya Kifaransa kuliko Kiingereza.

Aliwaacha hoi kwani kwenye script yake hakukuwa na mazungumzo kwa Kifaransa. Madhumuni yake ilikuwa ni kufanya majaribio ni kwa namna gani sanaa yake itawafikia hata wasio wazungumzaji wa lugha ya Kiingereza. Hadi sasa mwigizaji huyo anayefahamika kama Mr. Bean ana umri wa miaka 65.

Alizaliwa Januari 6, 1955 huko Consett katika Kaunti ya Durham, England.

Kabla ya kufahamika kupitia sitcom ya Mr. Bean aliigiza katika Blackadder (1983–1989). Mnamo mwaka 2007 jarida la Observer lilimtaja Atkinson katika orodha ya waigizaji 50 wa vichekesho nchini Uingereza.

Pia mwaka 2005 alikuwamo katika orodha ya waigizaji 50 wa vichekesho wa zama zote. Mnamo mwaka 1979 Atkinosn aliigiza katika program ya vichekesho ya The Atkinson People katika Redio BBC 3. Atkinson alimwoa Sunetra Sastry mnamo Februari 1990.

Amefanikiwa kuwa na watoto  wawili Ben na Lily. Wawili hao walikutana mwishoni mwa miaka ya 1980, wakati ambapo Sunetra alikuwa akifanya kazi ya makeup akiwa na BBC. Walitengana mnamo mwaka 2014 na talaka walipeana Novemba 10, 2015.

Tangu mwaka 2014 Atkinson alikuwa na mahusiano na mwigizaji mchekeshaji Louise ambaye amemzaliwa mtoto mmoja Desemba 2017.