Kija Elias katika matembezi mto Karanga, Moshi

Mwalimu mmoja aliwahi kusema “Safari ya matembezi iliyopangwa vizuri hunufaisha kwelikweli, ikipanua maoni ya mhusika na kumsaidia aweze kujitegemea mwenyewe.”  

Matembezi yanaweza kuhusisha rafiki zako au familia yako au wewe mwenyewe binafsi. Basi, ufanye nini ukipata fursa ya kwenda kufanya matembezi.

Kija Elias Kisena ni miongoni mwa wakazi wa mji wa Moshi ambaye hufanya matembezi yake mara kwa mara katika maeneo mbalimbali nchini.

Lakini safari hii alifanya matembezi katika mto Karanga uliopo mjini Moshi karibu na daraja la Bonite ambako kumekuwa na shughuli kubwa ya kuosha karoti katika mto huo.

Alichokifanya Kija ilikuwa ni kuzungumza na watu wale na kikubwa zaidi katika matembezi yake ilikuwa ni kuchukua picha za ukumbusho.

“Nimefurahi kufanya matembezi hapa, hali ya hewa leo ilikuwa nzuri sio ya jua na ubaridi kwa mbali nimejisikia furaha,” alisema Kija.

Hivyo basi kuna mambo mengi ya kufanya unapofanya matembezi lakini miongoni mwa mambo muhimu ya kuzingatia ni kutembea na kamera kwa ajili ya kupiga picha matukio yote yanayofaa kwenye safari yako ya matembezi.